（神龍教基地）
（龍兒戴住金色皇冠拜見自己嘅師父）
師父：龍兒，點解？點解你潛入清宮嘅任務會失敗？
龍兒：稟教主，龍兒系畀一個叫做韋小寶嘅狗賊所害嘅。
師父：佢呢個人武功好高咩？
龍兒：呢個人武功并非高強。
師父：佢用毒好叻？
龍兒：亦都唔系。
師父：唔通佢好風流瀟灑，你畀佢嘅俊俏所迷！系咪呢？
龍兒：當然唔系，呢個人貌丑如豬，卑鄙如狗，系一個油嘴滑舌嘅壞蛋！
師父：噉你都會輸畀佢？
龍兒：請教主責罰！
師父：呢啲就系命。韋小寶可能系你命中嘅克星。以后你見到佢，就要加倍小心！
龍兒：龍兒遵命！
師父：師父算到自己，我今日已經油盡燈枯。所以我要將教主之位傳畀你！
（飛上圍墻）
師父：龍兒，你速入血池！浸過血池水，你就回復真身，接任神龍教主之位。平西王世子即將上京見滿清狗皇帝。你要貼身保護佢至好。
龍兒：系！
師父：我哋神龍教派三代輔助平西王爺吳三桂，而家傳位于你，你一定要盡心盡力助佢登上王位。龍兒，我而家先入池，然后你再入。噉你就可以得到我畢生嘅功力！但系你要記住，我哋嘅門派武功獨特，如果你失去咗處子之身嘅，噉你嘅功力十分之八就會過咗畀得到你童貞嘅人嘞！你要切記！切記呀！
（跳入池，龍兒相繼跳入）
教眾：神龍教主！惟我獨尊！
龍兒：韋小寶，我一定會返嚟揾你嘅！
（麗春院）
龜公：喂！樓上樓下姑娘見客喇！
（韋小寶、多隆、……）
韋小寶：要揸篼呀要揸篼！
多 隆：屙凸就屙凸啦！
韋小寶：要揸篼呀要揸篼！
多隆：要揸篼呀要揸篼！
韋小寶：冚家鏟呀！冚家鏟呀！
多 隆：冚家鏟呀！冚家鏟呀！
韋小寶：要揸篼呀要揸篼！
多 隆：冚家鏟呀！冚家鏟呀！
韋小寶：冚家鏟呀！冚家鏟呀！
多 隆： 呢鑊你重唔冚家鏟？！
韋小寶：邊個話我冚家鏟呀？我大個家姐企喺度，你分明就誣捏上司，罰你十萬兩銀！
韋春花：哎呀，細佬，多大人冇心架！你原諒佢啦！
多 隆：我冇心架！
韋小寶：啊？你咁幫住佢，莫非你哋有路？
韋春花：唔系呀，邊個系啫？我哋好清白架！（攬多隆）
多 隆：我哋好純潔！我哋好清白架！我哋好清白架哩！好清白，真系。
韋小寶（冇眼睇）：哎！冇眼睇你兩個！屙涿尿先。（出去屙尿，見一婢女行過，主動搭訕）
韋小寶：靚女！
婢女：賤人！
（韋小寶畀兩人失驚無神拉入間房）
阿珂：唔準出聲！韋小寶呢個狗賊系咪響隔籬房？
韋小寶：啊？！系！啊，唔系！唔系！唔系！系！系！唔系！
阿珂：究竟系定唔系？
韋小寶：韋小寶同你有咩唔妥呀？
阿珂：韋小寶呢個狗賊，助紂為虐！天下人，人人得而誅之。
韋小寶：天開眼咯，我忍辱偷生咗咁多年，卒之等到今日，多謝你哋！
阿珂：你系？
韋小寶：我全家都系畀佢害死嘅！佢重迫我一定要我認佢做契弟！呢個狗賊，人人得而誅之！你哋快啲去殺咗佢，我燒定炮仗！
阿珂：咪住，帶我哋去！
韋小寶：呢層梗系啦，等我執返對名貴眼鏡先。嚟呀。
（韋小寶帶路）
韋小寶：兩位，請！
（三人步入房，多隆同韋春花坐喺床頭。）
韋春花：我哋清白架！
*多 隆：我哋清白架，韋爵！
韋小寶：你個冚家鏟唔好嘈！
多 隆：冚家鏟呀！冚家鏟呀！冚家鏟呀！冚家鏟呀！……呢次我冚家鏟啦！
韋小寶：點到你唔認呀？韋小寶，我宜得食你嘅肉，煎你嘅皮，拆你嘅骨！
（韋小寶趁機退出房，兩黑衣人埋去殺多隆。）
多隆：喂喂喂！搞咩呀？
阿珂：韋小寶！唔好話你死得不明不白。我就系獨臂神尼嘅弟子！姓李名珂！
多隆：我系韋小寶？
（阿珂揮劍劈落，多隆閃避。）
多隆：救命呀！人嚟！救命呀！人嚟！救命呀！（走到大堂）
（韋小寶匿埋一二角）
韋小寶：做人嘅嘢唔使咁驚青嘅！定啲嚟呀！
多隆：好彩我班定馬咋！
韋小寶：你梗要啦！咁多仇口！
（吳應熊同龍兒坐山觀虎斗）
（阿珂畀削咗對帽，長發飄落。）
韋小寶（除低眼鏡）：喂！女嚟?！咦喂！幾好嚇?！喂！不如——（搭住多隆膊頭）
（多隆蓮子茸噉嘅面口）
多隆：卑職明白！卑職明白！
（阿珂同師妹寡不敵眾，卒之就范）
（上演英雄救美）
韋小寶：全部停手！
阿珂：你重唔走？冇命架喇！
韋小寶：放心！正話我唔知你哋真系反清義士！但到咗呢個田地，我冇辦法唔表露我嘅真正身分。（除低眼鏡）其實我就系射雕英雄嘅傳人，東方不敗嘅師父，西方失敗！
眾人（驚慌）：啊？西方失敗？！
多隆（出場）：咦？你咪專門主持正義嗰個西方失敗？哎，你唔好亂喐呀，你喐親我就殺咗呢兩個女仔！人嚟，畀毒酒佢飲！
手下：啊？毒酒？！
韋小寶（提佢）：喂！嗰樽咪系啰！
（手下扐起葫酒呈喺韋小寶眼前）
韋小寶：咩話？你……
阿珂：喂！唔好飲呀！
多隆：哈！唔好？佢一飲咗呢就會迷失本性，如果喺半個時辰內冇女人同佢上床嘅話，就會化為一灘血水而死！飲！
阿珂師妹：唔好呀！唔好飲呀！
韋小寶：我唔能夠連累你哋嘅。（引頸飲之）
韋小寶：酒我飲咗嘞，放咗佢哋先！
多隆：哈哈！好！我哋走！
（多隆同班手下撤退）
韋小寶（坐低）：人渣！（扮肚痛）
阿珂：你點呀？
韋小寶：我毒發！救我！
阿珂：點救呀？
韋小寶：一定要有個后生嘅女人同我上床先可以解毒！唔得嘅！唔得嘅！
阿珂師妹：如果我哋兩個……
阿珂：同西方大俠你……噉就可以救到你呀？
韋小寶：心領嘞！我唔可以噉做，你哋扯罷啦！快啲！
阿珂：俠士舍身相救，阿珂同阿南永感大德。你死咗之后我哋會燒啲嘢畀你架！（起身走）
韋小寶（拉住阿珂）：喂喂喂！嘩！你由我死咁冇義氣架！
吳應雄（同龍兒落樓）：呢啲下九流騙局呃得邊個呀？小姐，你千祈唔好信佢呀！
阿珂：嚇？！你！我哋走！（拂袖而去）
韋小寶：做架梁呀，僆仔你？人嚟！摷佢！
多隆：摷佢！
（龍兒一下就打低曬多隆啲手下）
（韋小寶同多隆支箭噉標出去，阿珂同阿南欲追去，畀龍兒阻住）
龍兒：窮寇莫追！
吳應熊：兩位小姐冇事吖嘛？在下吳應熊！家父系平西王吳三桂！
阿珂：我叫阿珂呀。
阿南：師姐，師父話吳三桂系大漢奸。我哋同佢嘅仔來往，師父會責怪我哋嘅！
阿珂：我有分數。（拱手）多謝公子相救，后會有期！請！（出門）
吳應熊：哎，兩位小姐！
龍兒：哎，唔好追嘞。你已經闖咗禍嘞！頭先嗰個就系韋小寶。
吳應熊：嚇？佢就系韋小寶？哈！
（韋小寶同多隆搞到哩咁唏）
多隆：嘩嚇！里便嗰條友武功咁高強嘅？
韋小寶：鰲拜夠高強喇，一樣畀我造瓜！返去班馬！
（兩卒騎馬趕到）
一卒：卑職參見兩位大人！
韋小寶：咩事呀？
一卒：皇上有旨，急召兩位大人入宮。
（宮內）
韋小寶：皇上重未到嘅？
雙兒：相公，你咁急叫我哋嚟做咩呀？
韋小寶：今日我喺街畀人掐！諗住陣間見完皇上同你兩個出去覆啅！
雙兒：邊個咁大膽掐你呀？
韋小寶：哼！掐得到我嘅梗有返咁上下厲害啦！佢拳頭大過砂煲！雙眼有若銅鈴！條脷牛脷咁長！高我成兩個頭！（見到龍兒喺面前經過）喂！僆仔，咪行住！（指龍兒）啊，個樣就同佢差唔多，你兩個行埋啲睇清楚！咦？乜越睇越似樣，直情餅印一樣添哩。
龍兒：乜我條脷有牛脷咁長咩？
韋小寶（打后褪）：哎呀！真系你個乸型？夠膽踹入嚟我地頭？喐佢！
（雙兒唔夠龍兒打）
韋小寶：你兩個頂住先！我去班馬！
畫外音：皇上駕到！
雙兒、韋小寶：叩見皇上！
康熙：平身！
（韋小寶走去康熙身邊）
康熙：韋卿家，咩事呀？
韋小寶：皇上，（指龍兒）戴黑帽嗰條乸型擅闖禁宮，重企圖“zong1”貴妃沖涼。我想話阻止都重畀佢毆打！
康熙：真有此事？
韋小寶：系哩。
吳應熊：韋大人，身受何職呀？
韋小寶：四二六！啊，唔系。吳多閣大學士兼鹿鼎公！呢位老世有咩指教？
吳應熊：你睇清楚我系邊個！
（韋小寶耳語）
康熙：你話佢就系嗰個乸型嘅同黨？韋卿家，你唔可以亂講嘢！呢位系平西王吳三桂嘅大公子——吳應熊。今次入宮系同朕商議國家大事。
韋小寶（同吳應熊扼手）：小王爺真系氣宇軒昂，實在聞名不如見面！
吳應熊：呢位龍兄系小皇旗下第一猛將，系我帶佢入宮嘅。
韋小寶：猛將兄！猛將兄氣宇軒昂，實在聞名不如見面！
龍兒：頭先你話我乜嘢話？
韋小寶：我話閣下武藝高強，我對你嘅欽佩有如滔滔江水連綿不絕！
康熙（暫亂歌柄）：小寶，你無謂多講，傳令設宴！
多隆：得唔得呀？
韋小寶：得！
韋小寶（向龍兒敬酒）：猛將兄，細佬敬你一杯！剛才些少誤會，一嘢抹咗佢哩？！請！（龍兒舉杯）
韋小寶：小王爺，你有猛將兄呢啲噉嘅高手助陣，可謂戰無不勝，攻無不克，就算打返嚟京師都贏硬呀！
吳應熊：你講咩呀？想誣捏小皇作反呀？
韋小寶：哈哈哈！今日真系，好高興呀今日真系！皇上，不如搞少少嘢嚟助嚇興哩？
康熙：揾啲嘢助興都好嘅。你想搞咩？
韋小寶：猛將兄咁猛！我愿意出一百兩，賭猛將兄喺十招之內打低我幾個不成材嘅手下！
龍兒：噉又未必。
韋小寶：未必咩？噉我買多一百萬兩賭你打唔贏呀！
吳應熊（起身）：好，就賭一百萬兩！
韋小寶：多謝！
龍兒（起身）：世子！
吳應熊：你千祈唔好丟我架呀！
韋小寶手下：參加皇上！
康熙：平身！
韋小寶手下：謝皇上！
康熙：龍卿家，你可以開始！
韋小寶：一二三四五六七八九！重有一招！
吳應熊：龍兒，唔好丟平西王府架！（龍兒使出第十招）
韋小寶：第十……！
（啲手下盡數倒地）
吳應熊：死呀哩？多謝韋爵爺一百萬兩！（韋小寶目定口呆）
韋小寶：賭債肉償，得唔得呀？
吳應熊：都好！
龍兒：微臣出手過重，請皇上恕罪。
康熙：龍卿家，拳腳冇眼，毋須自責。
龍兒：謝皇上！
康熙：趁今日大家咁齊全，朕有件喜事要宣布。朕經已決定將建寧公主許配畀吳卿家，招佢為駙馬！以后大家就系一家人嘞！
吳應熊：謝皇上！
韋小寶（心語）：今日最開心都系呢個消息嘞。
康熙：韋卿家，朕就派你為欽差大臣，護送公主到云南。
韋小寶：啊？！謝主上！
康熙：你知道朕點解要賜婚嗎？
韋小寶：皇上一定有原因嘅，小寶唔敢妄自猜測！
康熙：自從鰲拜正法之后，朕經已得到全國臣民效忠。只有一啲反賊，例如天地會嘅陳近南同埋明朝公主獨臂神尼，一直同朕作對。
韋小寶：不過呢啲二打六應該玩唔出咩花樣嘅。
康熙：朕重有一個心腹大患，一路令朕寢食不安！就系平西王吳三桂！
韋小寶：噉皇上重同佢做埋親家？！
康熙：朕一直有臥底密報，話佢招兵買馬，勾結神龍邪教。假太后嘅事就系佢派嚟嘅！
韋小寶：分明系想作反！
康熙：朕安排你做欽差大臣，你明朕嘅意思啦？
韋小寶：想借啲意做瓜佢？
康熙：當然唔系。一系唔殺，一殺要斬草除根！朕希望你依家用懷柔政策！安撫吳三桂！拖延佢作反嘅日期。等喺適當嘅時間，朕會調動兵馬，將佢哋一網打盡！
韋小寶：微臣明白！
康熙：朕唯一擔心嘅就系建寧公主呢個刁蠻女唔肯嫁。你去勸嚇佢呀。
韋小寶：遵旨！
（建寧寢宮）
韋小寶（下跪）：韋小寶叩見公主！
建寧：平身！
韋小寶：謝你嘅公主！
建寧：福兒！祿兒！冇你哋嘅事嘞！
福兒、祿兒：系！（離去）
（建寧扭住韋小寶只耳）
韋小寶：哎呀！哎呀！扭死我咯！扭死我咯！
建寧：你個死嘢呀！死得你咁易呀？！你唔使嚟揾我架啦？
韋小寶：咪嚟咗啦。
建寧：算你嘞！
韋小寶：啊，恭喜公主！賀喜公主！有個天大嘅喜訊！
建寧：恭喜韋爵爺，賀喜韋爵爺，我都有個天大嘅喜訊要話過你知！
韋小寶：又有？！
建寧：你講先！
韋小寶：皇上已經賜咗婚喇！
建寧：系？！
韋小寶：會將公主你許配畀……平西王吳三桂次子吳應熊。重派咗微臣做欽差大臣陪公主出嫁。
建寧：唔得架小寶！
韋小寶：何解呀？
建寧：因為我有咗你嘅骨肉啰！
韋小寶：嚇得我騰騰震呀！
韋小寶：真系嚇到我入心……！
建寧：噉而家點先得架？！
韋小寶：唉！今次大罪嘞！殺頭有之嘅！
建寧：一系你同皇兄講，將我改為許配畀你。至多我初一十五都唔打你吖。
韋小寶：咁著數？！
建寧：系呀！
韋小寶：唉！但系皇上金口已開！邊有咁容易收得返呢？
建寧：我唔理呀！如果唔系，話畀皇兄聽你強奸我！
韋小寶：嘩！你掉返轉頭嚟講都有架？！
建寧：一系噉吖，我照樣嫁畀個吳應熊，重話個仔系佢嘅。但系你晚晚都要嚟陪我！
韋小寶：啊？噉都得？！我哋咪即系變咗奸夫淫婦！要浸豬籠架?！
建寧：噉你想浸豬籠定斬頭吖？
（韋小寶一籌莫展）
（大隊人馬護送建寧上路）
（建寧唉聲嘆氣）
某兵：稟皇上，已到十里亭！
康熙：傳令落去，全軍稍息！（同吳應熊講）駙馬，朕同你喺度休息。
吳應熊：系！皇上。
（韋小寶周身唔自在）
多隆（見韋小寶難以落馬，走埋去幫手）：哎！哎！哎！韋大人，我嚟，我嚟。嘩！韋大人，你今日著起呢件盔甲真系有型呀。卑職對你嘅景仰有如滔滔江水……
韋小寶：滔你老母！熱到仆街，重要戴頂死人帽，頭頂中箭噉款。小喇叭！
（十里亭內）
康熙：請！
吳應熊：系！
康熙：祝你一路順風！
吳應熊：謝皇上！
康熙：朕敬你一杯！
吳應熊：飲！
建寧（嗌）：小寶！
建寧：好悶呀！
韋小寶：咩呀？
建寧：你上嚟扮龜呀。
*韋小寶：而家送你去嫁！扮龜？！你真系講笑啫呢啲！
建寧：你重周圍行？！我都系為你著想咋！成支避雷針噉，一陣間行雷呀實劈死你！
韋小寶：若果真系行雷呀，我系咪避雷針噉都系第一個劈我架喇！
建寧：噉又系！
韋小寶：攞去頂住先呀！怕咗你呀！（遞咗條蕉畀建寧）
建寧（抌咗條蕉）：死人頭！
韋小寶：全部企好！挺直啲！精神啲！
龍兒：韋大人，好威風?！
韋小寶：失禮！有我喺度呀，邊個夠膽喐皇帝一條毛呀？！
獨臂神尼（從天而降，直沖康熙）：狗皇帝！
龍兒：護駕！
韋小寶：皇上小心！護駕！
康熙：護駕！
韋小寶：護駕！
康熙：護駕！
獨臂神尼：寒冰掌！
獨臂神尼：狗皇帝！
韋小寶：吞泡呀？！重唔護駕？做乜鬼？
龍兒：護駕！（ung2韋小寶出去）
（獨臂神尼把劍頂住韋小寶胸膛）
龍兒：寒冰掌！
（韋小寶脫險）
眾人：捉住佢！
康熙：小寶你冇事吖嘛？
韋小寶：好彩我有件天蠶寶衣喺底。皇上，你龍體無恙吖嘛？
康熙：小寶，今次你護駕有功，朕就封你為……護駕！（驚慌而逃）
韋小寶：保護皇上！保護皇上！保護皇上！
（啲人迫曬喺建寧嘅坐駕里面）
某兵：阿勇呀！
某兵：保護皇上！保護皇上！
康熙：你叫咩名？
某兵：我叫溫兆倫呀！
康熙：返去誅你九族！
某兵：謝皇上！啊？
*建寧：一系唔上嚟，一系就咁多人上嚟！
韋小寶（某人只腳頂住韋小寶塊面）：小喇叭！邊個鞋都唔著呀？喂！后便唔好頂頂貢哩！喂！上便啲友唔好揸住我條嘢好嗎？！
阿珂：咪住！大家都系身不由己架咋。
韋小寶：邊個咁竄呀？！（抬頭望）
阿珂：你個狗賊？！
韋小寶：我系呀！你好嗎？
獨臂神尼：喺噉嘅情形之下，我哋好難分高下。不如我哋用十成功力將啲人迫出去啦。
龍兒：好！
阿珂（揸住把刀）：攞你狗命！
（千鈞一發之際，獨臂神尼同龍兒運功將啲人迫曬出去，韋小寶逃過一劫。）
龍兒：皇上，你哋走先啦！
韋小寶：拍硬檔送埋我走！唔該！
龍兒：一陣先啦！
（龍兒同獨臂神尼大戰，韋小寶左右閃避。）
韋小寶：重要等幾耐呀，大佬？
韋小寶（安全著陸）：唔使送咁大力嚇嘩？！
（獨臂神尼生擒吳應熊）
阿珂（捉住韋小寶）：狗賊！睇你走去邊！
韋小寶：我冇所謂，你去邊我去邊。
獨臂神尼：捉佢兩個走！走！
康熙：你重唔去追？
龍兒：皇上唔使擔心！卑職馬上去救駙馬！
建寧：救埋韋爵爺呀！
龍兒：神龍教眾接令！即刻追截一個老尼姑同平西王世子！
（四人行于樹林之中）
阿珂：做咩呀你？
*韋小寶：你把劍晾響前便，我個頭必然系縮向后架嘛！
阿珂：你個無賴！信唔信我一劍殺咗你吖嗱？
（獨臂神尼吐血，吳應熊想借機松人，畀獨臂神尼打低）
阿珂：師父，你點呀？
獨臂神尼：估唔到康熙身邊有咁內力深厚嘅高手。莫非清狗氣數未盡？！
韋小寶：使我幫手叫大夫唔使呀？
阿珂：想走？師父，韋小寶呢個奸賊，詭計多端。不如我殺咗佢先。
韋小寶：我想幫你哋啫。
獨臂神尼：唔殺得！佢系康熙跟前嘅紅人，而家已經系我哋嘅護身符。要殺就殺佢啦！（指住吳應熊）
吳應熊：唔好呀！唔好呀！阿珂小姐，嗰日喺麗春院系我救你架。你唔記得嘞咩？
獨臂神尼：阿珂，乜你見過佢咩？
阿珂：嗰日我同師妹去查探，幾乎畀韋小寶呢個奸賊呃到。好彩得呢位公子相救咋。
獨臂神尼：點解你從來冇同我講過嘅？
韋小寶：不過你漏咗樣嘢冇講?！呢位公子就系平西王吳三桂嘅大仔，打傷師太你嗰位高手就系佢嘅馬仔！
獨臂神尼：啊？呢個就系賣國賊吳三桂嘅仔？！同我殺咗佢！
吳應熊：唔好呀！唔好殺我！唔好殺我呀！
獨臂神尼：師父嘅說話你都敢唔聽？
（神龍教幾個教眾趕到）
吳應熊：救我呀！救我呀！我喺呢度呀！
教眾：老尼姑，你好放人嘞?！
獨臂神尼：有本事就嚟攞吖！
（教眾圍攻獨臂神尼）
一教眾：老尼姑一早受咗傷！唔使怕佢！上！（中槍）
（最后一個教眾見勢不妙，飛身離去）
韋小寶：能夠死響我一陽指手下，都算系你嘅福氣！（抌咗背后嗰支火槍）
韋小寶：晚輩正話斗膽用一陽指嚟助神尼你一臂之力。希望神尼唔好見怪！
獨臂神尼：咩一陽指呀？火槍就火槍啦。你做咩要幫我？
（獨臂神尼點咗吳應熊嘅睡穴）
阿珂：公子！
獨臂神尼：你咁緊張做咩呀？我只系點咗佢嘅睡穴！你有咩即管講啦！
韋小寶：請恕晚輩無禮！（除襪）
獨臂神尼（見到韋小寶腳板上面“清明”二字）：清明？左腳“反復”，右腳“清明”。莫非你系天地會嘅人？
韋小寶：冇錯！晚輩韋小寶正是天地會嘅青木堂堂主！呢個就系我嘅令牌！（喺腰間扐出一個令牌）家師陳近南派我臥底宮中，今日得見師太真系三生有幸！
阿珂：師父，唔好信佢呀！佢好狡猾架！
獨臂神尼：令牌系真嘅！陳總舵主好嗎？
韋小寶：有心！師父佢食得瞓得。重成日提起你老人家。話天下武功佢只系排第二，師太你先系排第一。重系拋離好遠嗰只！哈哈哈！
獨臂神尼：陳總舵主太夸張嘞！
韋小寶（突然跪低）：我想師太你收埋我做徒弟！唔知晚輩有冇呢個福氣呢？
獨臂神尼：韋香主，請起身啦！
韋小寶：若然師太你唔應承，我就一路跪到死為止！
獨臂神尼：好嘞！
韋小寶（起身）：多謝師父！（同阿珂講）師姐，我知你不留對我都存在有多少誤解。不過我相信你好快脆就會明白。
獨臂神尼：韋香主，我暫時收你為掛名弟子。等到陳舵主同意之后，我先正式教你武功！
韋小寶：多謝師姐！啊，唔系，多謝師父！
獨臂神尼：此地不宜久留！我哋都系快啲離開呢度。前面重有位師姐喺客棧等緊我哋架。
韋小寶：好！
韋小寶：師父呀，請問獨臂刀王系咪你老竇？
獨臂神尼：唔系。
韋小寶：咦，有間客棧?。
獨臂神尼：真系有間客棧?。
（客棧個名就系：有間客棧）
（多隆喺店內扮女人，啲男人見親佢都嘔一餐）
手下：多大人，點解成日“目及”住條麻甩佬呀？
多隆：嗰個女人嚟嘅。
手下：大人點知呀？
多隆：系男人行過見到我都嘔啦。系佢一個唔嘔嘅！一定系女扮男裝！
手下：大人聰明絕世，下屬對大人嘅景仰，有如滔滔江水……
多隆：吆你老祖！
（韋小寶一干人行入客棧）
阿南：師父！呢便呀！
獨臂神尼（坐低）：唔該！
韋小寶：師姐，有事揾我呀？
阿珂：躝開！阿南，師父受咗傷。快啲同師父入房療傷。
獨臂神尼：阿珂，你喺下便揾間房睇住佢！小寶，你周圍巡嚇！睇嚇有冇人跟蹤我哋！
韋小寶：不過師父，（指住吳應熊）呢條友仔呢……
獨臂神尼：我點咗佢聾啞穴，佢聽唔到我哋講嘢架！你放心喇！（走開）
韋小寶：哦。
韋小寶：師姐，我想同你表白一下咋！其實我本身嘅為人呢絕對唔……
阿珂：躝開。
（韋小寶冇好氣噉走開）
（韋小寶撞到多隆）
多隆：韋大人！（韋小寶嘔）
多隆：嘩！韋大人，你真系男人中嘅男人，嘔都嘔得咁精彩嘅嚇！
*韋小寶：多隆，你揾啲噉嘅嘢搞架你！
多隆：我哋嚟得快哩？！知道方圓十里凈系得呢間客棧！所以伏喺度嚟救你呀！
韋小寶：使鬼你救呀？我一早已經昆掂個老師姑呀！之所以跟到嚟呢度！系想得到佢……
多隆：大人果然口味獨特，老師姑都有興趣。卑職佩服！佩服！
韋小寶：佩你個頭！我系想得到佢嘅徒弟珂姑娘。有冇帶我啲行裝嚟呀？
手下（鉆個頭出嚟）：梗系有啦！連大人嘅溝女戰衣都帶埋嚟呀！
韋小寶：咦！呢條僆仔幾醒目?！有前途！（接過戰衣）
多隆（狂毆手下）：仆你個街呀！我只鞋你都爭住擦？！
多隆：啊！實在太靚仔喇！大人，你嘅英俊不凡有如滔滔江水連綿不絕噉涌埋嚟。小人對大人嘅欽敬……
韋小寶：唔好成日對住我嘅陰莖好唔好呀？
*多隆：對唔住！大人，我預備咗啲好嘢幫得你手！
（三樽春藥擺喺臺面）
多隆：淫不風流枉少年！淫賤嫲嫲咸外父！淫那琵琶小喇叭！大人，呢三只春藥當今世上……
韋小寶（掃曬啲春藥落地）：都算最苴嘞！睇我啲呀，細佬！（扲出一樽嘢）
多隆：嘩！乜家伙？
韋小寶：除咗天下第一淫藥“奇淫合歡散”之外，“我愛一碌葛”實在可以稱霸淫賤界。呢劑嘢莫講話唔掂得！聞嚇都唔掂呀！
多隆：咁犀利？！
韋小寶：試嚇你就知！
（多隆揾手下較飛）
多隆：犀利成點呀？
韋小寶：顧名思義，呢劑嘢毒發嘅時候，中毒者就會對住啲條狀或者碌狀嘅物體嚟發姣！不停噉追住嚟索吻！無論你點樣反抗，甚至乎奚落佢，或者毒打佢，佢都一樣勇往直前，唔會放棄嘅！
多隆：嘩！噉有乜解救呀？
韋小寶：好簡單！只要用解藥一噴，乜事都無！
多隆：咦，大人，睇嚟今晚珂姑娘都幾難逃出你嘅手指罅。（韋小寶狂笑）
（吳應熊用只腳喺地下寫咗“解穴”兩字）
（阿珂大膽解咗吳應熊嘅穴）
吳應熊：阿珂小姐，不如你放我走先吖！
阿珂：唔得架！噉……師父會責怪我架！
吳應熊：系噉不如我哋一齊走吖！
阿珂：乜你咁放肆架！
吳應熊：我只系講出我由衷之言啫。其實喺麗春院嗰日，我一見到你，已經對你一見傾心！無奈重未有機會向你表達啫。
阿珂：噉你又做駙馬爺？！
吳應熊：唉，呢啲只不過系我父王嘅計謀。他日推翻滿清，我父王登基大寶。我就系太子！我嘅夫人就系太子妃！話唔定，好快會變成皇后添！
阿珂：噉關我咩事?？
吳應熊：唔通噉你都重唔明白我嘅心？我心里便除咗你，再冇第二個！（阿珂嗒曬糖噉款）只有你，先至有資格做我皇后！
（韋小寶推門入嚟）
韋小寶：師姐，點呀？呢個狗賊冇咩古怪吖嘛？
阿珂：有我喺度呀，佢有咩古怪出呀？
韋小寶：有道理！（見到地下有兩個字）咦？！點解有兩個字寫咗響地下度架？啊？嘩！重寫得咁肉酸！（指住吳應熊）系咪你寫嘅？講！系咪？哦！你死喇！
阿珂：佢……
韋小寶：師姐，靜靜雞話我聽，呢兩個咩字？我唔系好識字。
阿珂：系“咪喐”兩個字啰。我寫畀佢睇嘅。
韋小寶：哦。（偷偷地糝啲“我愛一碌葛”喺張凳上面）師姐，你企咗咁耐都應該攰哩。等我擔張凳你坐嚇先啦。
獨臂神尼（坐咗張凳）：唔該。
韋小寶：師父你……
獨臂神尼：做咩呀？
韋小寶：冇乜嘢吖嘛？
獨臂神尼：我冇嘢，我已經運功將啲內傷迫咗出嚟！
韋小寶：唔系，即系……你真系冇嘢？
獨臂神尼：唔好講咁多，你出去先喇！我哋幾師徒有啲嘢要講！
韋小寶：哦！（轉身走）
獨臂神尼：咪行住！
韋小寶：師父，你想點呀？
獨臂神尼：你真系查清楚冇敵人跟蹤我哋？
韋小寶：應該冇。
獨臂神尼：噉你出去啦！
韋小寶：好。
（獨臂神尼中招）
多隆：咩事呀？
韋小寶：神尼中咗“我愛一碌葛”呀！
（眾人四處逃竄）
多隆（畀獨臂神尼緊追不舍）：我明明扮咗女人架！做咩追我呀？
韋小寶：你衰在成碌葛噉吖嘛，唔追你追邊個得架？
阿南：師父！
吳應熊：趁佢哋亂曬龍，我哋快啲走！
（阿南揦起把劍擺喺吳應熊胸前）
阿南：師姐，你噉樣走師父會怪你架。
（阿珂點阿南穴，阿南暈低。）
吳應熊：你跟我走啦！我一定唔會辜負你！嚟吖！
（龍兒協同四護法殺到嚟）
一護法：恭迎教主法駕！
龍兒：老尼姑，快啲交世子同韋小寶出嚟！
一護法：你唔交出嚟，我哋入嚟架喇！
韋小寶：啊？又邊瓣人馬呀？
多隆：話之佢邊瓣呀！出去頂住先！
龍兒：四護法，退下！（兩三下搞掂咗班友）
一護法：我哋捉韋小寶個奸賊先。
韋小寶：又系我？（見到多隆嘅眼神詭異）你只眼神咁無良嘅！你想點呀？
多隆：喂！韋大人，我唔系噉睇我吖嘛？我義氣干云，對你嘅景仰有如滔滔江水連綿不絕。
（多隆押住韋小寶出門）
多隆：又有如黃河泛濫，一發不可收拾。
韋小寶：死仔，重講？！你賣友求榮，冇義氣！
*多隆：唔系哩，韋大人，一個死好過兩個死呀！最低限有我同你拜山吖嘛。（同龍兒講）老友，冤有頭債有主。你要嘅人我同你帶咗出嚟呀。
韋小寶（驚詫）：啊？你做乜扮女人呀？乸型！
一護法：大膽！見到神龍教主重唔下跪？！
韋小寶：做咗教主都唔使扮女人啫！
龍兒：韋小寶，我講過一定會返嚟揾你嘅！你唔認得我喇？神龍教圣女龍兒！
韋小寶：嚇？！系你？你整容嚟呀？
龍兒：呢個至系我嘅廬山真面目！
韋小寶（行近龍兒身邊）：哦，你家陣時好樣好多！喂喂喂！系咪好樣過以前呀？
多隆：系呀！系呀！
韋小寶：既然大家識得嘅，二口六面講清楚冇事啦。多隆，我哋走嘞！
多隆：喂！先生，你兩個識咋?！我唔識你架?！教主！走先！
韋小寶：嘩！你玩到咁盡你？！
多隆：冇乜特別呀！（松人）
韋小寶：喂！
龍兒（搭住韋小寶膊頭）：老尼姑同世子呢？
韋小寶：啱嘞！冤有頭債有主，佢響上便咋！上去揾佢吖！
獨臂神尼：好大碌呀！（飛出客棧）
（龍兒畀獨臂神尼咬傷只腳）
（龍兒帶小寶走）
（龍兒喺小溪邊沖洗傷口）
龍兒：唔好嘈！再嘈就割咗你條脷出嚟！
韋小寶：我靠條脷揾食架?，你即系趕絕我啫！
龍兒：你再行多一步，我就斬咗你對腳！
韋小寶：神尼你又要斬，我你又話要斬。你究竟幫邊便架？
龍兒：我同你系私人恩怨，你喺宮中壞我大事，重想置我于死地！
韋小寶：喂！嗰次系皇帝話要放箭射你！唔系我?！冤有頭債有主，系咪噉講呀？關我乜嘢事得架？！
龍兒：你過嚟！
韋小寶：嚟緊！當我講錯啰。你究竟想點呀？
龍兒：扶我起身！
龍兒：你做咩呀？
韋小寶：扶你吖嘛。
（龍兒伸出只手）
（龍兒企唔穩）
韋小寶（嗍龍兒身上啲氣味）：好香架?！
（龍兒推開韋小寶）
韋小寶：話你香都唔鐘意呀？唔通話你臭好咩！
龍兒：如果你扶我返神龍教，或者我可以放你一條生路！
韋小寶：多謝！多謝！噉行啦！
韋小寶：估我唔知呀，其實你系幫平西王吳三桂做嘢嘅哩！
龍兒：平西王爺對我哋恩重如山！
韋小寶：喂喂喂！你點知佢對你恩重如山呀？
龍兒：關你咩事呀？我師父講嘅！
韋小寶：喂！你師父老點你唔得架！
龍兒：咩叫老點呀？
韋小寶：即系呃你。
龍兒：你會唔會老點你老竇吖？
韋小寶：會！睇嚇有冇著數吖。
龍兒：如果有著數呢？
韋小寶：點到佢慌呀？
龍兒：賤格！（ung2韋小寶落水）
韋小寶：死八婆！遲早滾你上床，滾大埋你個肚！
龍兒：講咩呀？行快啲！
路人甲：你睇，呢只老虎咁瘦嘅？
路人乙：唔系老虎！系騾仔嚟架！
韋小寶：汪汪汪！
路人甲：嘩！原來系哮天犬嚟架，走呀！走呀！走呀！
（神龍教基地）
一教眾（把刀架住韋小寶喉嚨）：走去邊呀？返埋去！
一教眾：啟稟教主！平西王世子同平西王特使馮錫范老先生等候多時。
龍兒：有請！
吳應熊：教主，喺客棧多謝相救，小王先能夠脫離老尼姑嘅魔掌。
龍兒：世子噉講法，系咪諷刺本座唔夠老尼姑打呢？
吳應熊：教主太言重嘞。父王近日起兵在即，有感神龍教近年來幫助本藩招兵買馬，訓練人才，大大有功！先叫馮老師陪同小王，賜御酒畀教主，并封教主為護國圣女！
龍兒：謝平西王爺！
吳應熊：賜酒！
馮錫范：老夫上次有要事在身，未能陪世子上京。勞煩教主辛苦！先敬一杯。
龍兒：好！（一飲而盡）
韋小寶：有古怪！
馮錫范：哈哈哈！好酒量！素聞神龍教神龍素女功，一代傳一代，百毒不侵，功力精純。唔知有冇噉嘅事？
龍兒：區區素女功，何足掛齒呢？
馮錫范：我都想知道，神龍素女功可唔可以抵擋天下第一奇毒，冇色冇味嘅“奇淫合歡散”！
龍兒：馮錫范！系咩意思呀？
馮錫范：哈哈哈！神龍教恃功自大，橫行無道！王爺一早睇你唔順眼！下令要將你哋全教鏟除！一網打盡！
龍兒：人嚟！捉住佢哋！（四護法槍頭對內）
龍兒：你以為噉樣就可以對付我嘞咩？
（馮錫范奸笑）
（龍兒感不適）
吳應熊：你返嚟之前，我哋已經攻陷神龍教，而家所有嘅教眾都效忠我哋。冥頑不靈嘅已經全部處死。
馮錫范：龍兒，我走遍天下先至揾到呢只可以破你神功嘅“奇淫合歡散”放喺酒里便。而家你系咪全身發熱呀？天光之前，一定要揾到個男子交合。如果唔系就會全身噴血而死！老夫或者可以幫你一個忙嘅！
四護法：教主，我嚟救你！
（龍兒喺四護法掩護之下遁去）
吳應熊：哎，師父，你武功已經咁高嘞！嗰八成功力不如益我啦！
馮錫范：世子，你——
吳應熊：哎，噉系吖嘛。
韋小寶（拖住只馬）：乖乖哋，幫幫忙！行啦！
（龍兒抓住韋小寶）
龍兒：神龍血遁大法！
（龍兒使出神龍血遁大法，得以脫身）
（龍兒行行嚇路行唔喐，攤咗落地下）
韋小寶（回頭）：唉，見你個人冇乜點啫，好請消夜添呀！嗱，扶埋你嘞，你冇嘢吖嘛？！
*龍兒：我用咗最后一道真氣使出“神龍血遁大法”，而家毒氣攻心。
韋小寶（踎低身）：幫你捽嚇心口嘞！
龍兒：你唔好豆我！行開！
*韋小寶：算數！（起身）大枝嘢啦你，話咗有著數，老竇都有權點你架啦！家陣系得我一個冇點你咋，你重好心著雷劈！
龍兒：你唔好走呀！
韋小寶：做咩呀？
龍兒（心諗）：呢個人雖然討厭，估唔到講嘅都系真說話。我神龍教對平西王忠心耿耿，到頭來都系遭滅教之禍。（趴喺地下）唔通我真系咁命苦，要死喺呢度？（將韋小寶睇成賈寶玉）賈寶玉？！（整理衣裝）你過嚟吖。
韋小寶：咩呀？又叫我走，又叫我過嚟，你想點呀？話實嘞！
龍兒：快啲過嚟吖。
韋小寶：唔通想揾我解毒？！唔系噉嚟益我嚇嘩？！蜘蛛精呀！（嚇到飛起）
（龍兒將韋小寶卷入自己所結嘅繭入面）
龍兒：韋小寶，呢啲或者系天意。如果他日你有負我嘅，我一定唔會放過你！
（第二日）
韋小寶：你醒咗喇？
龍兒：我都冇瞓過。小寶，而家我已經系你嘅人，以后你想點我都會照做架。
韋小寶：噉唔該你遞返條褲畀我先。（龍兒照做）
韋小寶：真聽話。（破繭而出）嘩！天光嘞?！
龍兒：小寶，你過嚟吖。
韋小寶：咩啫？
龍兒（依偎喺韋小寶身上）：以前個個都話我知，吳三桂系個英雄，系個好人。我而家至知道，英雄未必系真嘅。
韋小寶：我都系而家至知道，原來你系靚得咁交關嘅！好肚餓，揾啲嘢食先！（跳上樖樹，又落返嚟）發生咩事呀？
龍兒：你已經有咗我嘅八成嘅功力，身懷絕世武功嘞。
韋小寶：我身懷絕世武功？！
龍兒（岌頭）：本門武功，一定要處子之身修練。一失童貞，功力嘅八成就會同時輸入男方體內。而家我得返兩成功力咋。
韋小寶（面露喜色）：咁犀利？！我想舂你兩槌試嚇力，你介唔介意？
龍兒：啊？
韋小寶：講笑啫，我點舍得呀？
龍兒：而家你同我好咗之后，你就系神龍教嘅圣王！有責任為教眾報仇雪恨！
韋小寶：揾邊個報仇呀？
龍兒：吳三桂同馮錫范。
韋小寶：呢兩個唔使你講我都會揾佢哋。
（棲鳳樓）
多隆（喊咁口面）：韋大人呀！韋大人呀！
建寧：喊咩先得架？！重唔快啲講？唔講我殺咗你！
多隆：公主，我得返韋大人呢個黃紙兄弟！我哋兄弟之情有如滔滔江水連綿不絕。就喺嗰晚……
建寧：嗰晚點呀？
多隆：我一個人打百幾人都保佢唔住。個妖女一手揦住佢，左手拉住佢右腳，右手拉住佢左腳，重擰甩埋個頭呀！
*建寧：佢咪即系死咗？！
多隆：系！系！
建寧（唱）：嚇得我騰騰震呀！
建寧：震到我入心呀！
多隆：公主，點解突然間咁好雅興架呢？
建寧：唉！你唔明，只有我同韋大人先至明。
多隆：公主，我明唔明唔緊要，只要系韋大人嘅手尾，我都好樂意啃嘅。
建寧：唔使你啃，自然會有人啃。你出去罷啦。
多隆；系！公主！
（多隆出建寧間房）
（幾個大臣等候緊佢）
眾大臣：參見多大人！
多隆：免禮！
眾大臣：謝大人！
某大臣：多大人，卑職等今晚喺官邸設宴。希望公主同大人賞面光臨。
多隆：韋大人慘遭不幸！我哋都冇心機食啦。折現啦！
某大臣：卑職遵命！
多隆：韋大人精忠報國殺身成仁，我哋一定要同佢風光大葬，你預備啲金縷衣呀，金盆洗手呀，金……
某大臣：系！卑職即刻揾一流師傅制造。
多隆：都系唔使麻煩嘞，折現啦。重有，韋大人生前就最鐘意美女嘅。萬一佢報夢嚟揾我，我都唔知揾咩陪佢。所以揾定十個八個美女陪我瞓喇！
某大臣：多大人真系想得周到。韋大人泉下有知一定會好感動。
多隆：應該嘅，不過我為人咁正經，有成十幾個美女陪我瞓覺，好難為我啫！
（眾大臣厥倒）
多隆：做咩呀你哋？
眾大臣：冇事！冇事！
多隆；不知何年何月得償所望，得得得償所望……得得得償所望……
韋小寶：你對得我住呀，多隆！
多隆：得……得償所望……
（韋小寶奮力冚咗多隆一巴）
多隆：啊？！韋大人，真系天開眼嘞！你冇死到呀？哎呀！我得償所望！
韋小寶：識著你噉嘅朋友，我點舍得死呀？
多隆：系呀！系呀！系呀！韋大人！
韋小寶（拍膊頭）：你都算夠義氣呀！
*多隆：韋大人，想當日我押咗你出去之后，我返嚟晚晚都瞓唔著，晚晚都垂淚到天明！凈系記得兩個字，而我就刻咗喺手臂度！警惕自己！
韋小寶：咁隆重？！邊兩個字呀？
多隆：你自己睇啦！（伸直手臂）
（韋小寶撩開多隆嘅衣袖，多隆嘅手臂度寫住：布仇。）
韋小寶：布仇？！
多隆：冇錯。卑職讀得書少，唔知有冇寫錯字。
韋小寶：應該就冇。
多隆：呢兩個字就系我日思夜想為大人做嘅。就系報仇呀！
韋小寶：嘩！啲血重吧吧聲噉流，唔會系正話先雕上去架啫嚇嘩？
*多隆：哦，唔系，雕就雕咗好耐呀！（揦起把刀仔）不過每一次興奮呢佢就流架嘞！而家見到大人呀，當然系興奮啦。噉佢就流啰。
韋小寶：你揦住把刀，又咩因由呀？
*多隆：點會有把刀架？！邊個？邊個擺喺我手度？（抌咗把刀仔）
韋小寶：我明！多隆你果然系我嘅好兄弟，不枉我當日同你燒黃紙呀。
多隆：大人明就好啦。
韋小寶：唔爭在話多個秘密你知！
多隆：我好守得秘密架！
韋小寶：其實我系皇上派入天地會嘅反臥底。目的系接近陳近南。根據情報所得，原來天地會嘅人遍布全國，就連云南呢度都有佢嘅分舵！
多隆（半信半疑）：真嘅？
韋小寶：所以我想多隆你今次代替我出去走一趟！
多隆：啊？！我？！
韋小寶：你而家嗱嗱聲行出街市，然之后呢就大嗌暗號！自然會有人帶你入去天地會嘅分舵！
多隆：咩暗號呀？
韋小寶：反清復明！（多隆仆倒）
多隆：咁大逆不道嘅嘢都講得呀？
韋小寶：哎！同反賊聯絡，梗要用反賊嘅暗號架嘛！我重要喺你背脊度雕多個特別暗號添呀！
多隆（彈起身）：重有？
韋小寶：有！嗱，你陣間入到天地會，將會見到一個化裝成為朝廷大官噉嘅人，嗰個就系陳近南嘞！你畀個特別暗號佢睇，佢就會交樣嘢畀你。
多隆：咩嚟架？
韋小寶：系……秘密！
多隆：哦！
建寧（開門）：你哋咪嘈住我唱歌先得架！
韋小寶（翕手）：公主！
（建寧厥倒）
（多隆十嚇十嚇噉行出街市）
多隆（細聲同路人講，路人即刻走夾唔唞）：反清復明！
多隆（細聲同路人講，路人即刻走夾唔唞）：反清復明！
多隆（細聲同路人講，路人即刻走夾唔唞）：反清復明！
多隆（納悶）：噉嘅？！
多隆（畀人ung2落地，見到“天地會分舵”嘅木牌）：天地會分舵？！唔系咁明目張膽吖嘛？
（多隆企返起身，又畀人ung2落地，見到只馬騮拎住“天地會分舵”嘅木牌）
多隆：馬騮都知？！
（平西王府）
*吳三桂：韋小寶居然到咗昆明！呢個人蠱惑多端，唔可以輕視！
吳應熊：父王！韋小寶三番四次羞辱孩兒，如果唔將佢凌遲處死，難消我心頭之恨！
吳三桂：你都懵嘅！佢而家系欽差大臣，殺咗佢就等于系造反！何況我哋嘅兵馬糧草要一個月先至齊。點可以為咗個小小嘅私人恩怨，就誤咗大事！（走開）
馮錫范：冇錯嘞，世子！他日兵臨城下，我哋將韋小寶斬成肉醬，都只系舉手之勞，何必急在一時呢？
吳三桂：你而家假假哋都系駙馬，得閑去見嚇公主！氹嚇佢！而我哋呢就假意籌備婚禮，等康熙呢個小鬼完全唔提防我哋有反意。明白未？
吳應熊：孩兒明白！
吳三桂：馮老師，廣東有密使嚟，同我傾出兵嘅事。我唔想有咁多耳目，你同我撤走后院大部分嘅侍衛！
馮錫范：領命！
（平西王府門口掛住“天地會分舵”嘅牌子。）
*多隆（見到牌子）：咁出位？！打正招牌都得呀？（行入去）門都冇閂嘅？！唔怪之天地會唔夠我哋朝廷斗啦。反清復明！反清復明呀！反清復明！
吳三桂（睇緊書）：邊個喺度發噏瘋呀？（走出去睇個究竟）
多隆：反清復明！
吳三桂：邊個咁大膽呀？（撞到多隆，嚇咗一跳）你系邊個？
多隆（上下打量）：化裝得幾似?！成個朝廷命官噉。派你做臥底呀？暗號？
吳三桂：咩？咩暗號呀？
多隆：反清復明吖！
吳三桂：大膽！人嚟！
多隆：喂！喂喂！我自己友嚟架，我有暗號寫咗喺身架。（除衫）
吳三桂（讀多隆背上啲字）：反清復明？誓殺吳三桂？
多隆（擰轉身）：而家你知我咩料吖。
吳三桂：我知你老母！（舂咗多隆一拳）
多隆：冚家鏟！有暗號都打？！（舂返吳三桂一拳）
吳三桂：冚家鏟！你還拖？！人嚟！有刺客！
多隆：哈！我你都敢打？！
吳三桂：有刺客！人嚟呀！
吳三桂啲手下：捉住佢！
多隆：死未？（打退咗幾個手下，擺甫士）
多隆：平時唔多打你當我流架嚇嘩？即管放馬過嚟！
吳三桂：同我打！（多隆慘遭群毆）
多隆：攞命咩？
吳三桂：等你反清復明吖嗱？！同我打！打到佢老母都唔認得！
多隆：反清復明！
一手下（回報）：稟告王爺，建寧公主由欽差韋大人陪同，突然駕到。
多隆：打死人咩？反清復明！反清復明！……
吳三桂（入屋）：不知公主駕到，有失遠迎！平身！
韋小寶：公主都就嚟叫王爺做老爺咯，正所謂……（見到王爺黑曬左眼）王爺，你只眼？
吳三桂：哦，我啱啱唔小心撞到啫。人嚟，同我傳世子！
多隆（沖入嚟）：救命呀！救命呀！救命呀，韋大人！救命呀，韋大人！
韋小寶：貴姓呀你？
多隆：我系多隆呀！我系多隆，韋大人！
韋小寶：亂講！多隆邊有你咁靚仔！
吳三桂：同我拉呢個反賊去石室！
手下：系！
多隆：唔好呀！
韋小寶：梗要啦，呢啲！
*多隆：韋大人！喂！你唔記得我同你去叫雞咩？
韋小寶：你真系多隆？
多隆：系呀，大人！
吳三桂：呢個人沖入我平西王府！重大聲叫咩“反清復明”咁大逆不道嘅口號，就系反賊！
韋小寶：唔系?，佢真系多隆?！大人，因何事毆打朝廷命官呀？
多隆：系呀！
吳三桂：佢系朝廷命官？
韋小寶：系！
多隆：梗系朝廷命官啦！
吳三桂：就算系朝廷命官呀，口出叛逆之言都系殺頭嘅大罪呀！
韋小寶：但系佢自己都系滿人，冇理由反清咪即系反返自己？
多隆：系呀！系呀！
韋小寶：多隆，你系咪畀人冤戾你呀？
多隆：系呀，系呀，大人！我畀人冤戾呀！大人！
吳三桂：重話我冤戾你？！你睇嚇佢背脊紋咗咩字。
韋小寶：睇過。
（韋小寶除咗多隆件衫，將啲白色粉末抹喺多隆背脊上面，抹走咗啲字。）
韋小寶：冇咩嘢吖，花咗一笪咋?！
吳三桂：哦，系你抹咗！啱啱系紋咗“反清復明誓殺吳三桂”嘅。
多隆：哦？！
韋小寶：王爺，你噉即系想冤戾埋我啫！
建寧：小寶，你點可以對王爺咁冇禮架！
韋小寶：系！
建寧：不如等我講句公道話好嗎？
吳三桂：愿聽公主高見！
建寧：噉就梗系王爺你……唔啱啦！（吳三桂打咗個突）多隆系欽差大臣，負責帶呢把尚方寶劍，沿途保護哀家。如果佢用呢把*“上斬昏君，下斬讒臣”嘅尚方寶劍嚟對付王爺你！噉就連哀家都冇法子架嘞！
多隆：系?！（抽出尚方寶劍）邊個冚家鏟正話打我？系你！
吳三桂：喂喂喂！你唔好亂嚟呀！
多隆：系你打成我噉嘅！
多隆，冤有頭債有主，邊個打你，你斬嗰個好喇！
吳三桂：你唔好亂嚟呀嚇！
多隆：我攞你命！
吳應熊（揦住免死金牌出現）：免死金牌在此！尚方寶劍都唔斬得！阿爹，你唔記得有免死金牌咩？
韋小寶、建寧：嚇？！免死金牌？！
多隆：免死金牌？！
吳三桂：嘩！系?！爭啲唔記得先帝御賜嘅免死金牌?！（將免死金牌擺喺胸前）斬呀！斬呀！斬呀！斬呀！
多隆（連連后退）：真系唔斬得？
韋小寶：有金牌喺手真系唔斬得！不過冇喺手嗰啲就……
多隆（恍然大悟）：哦！
吳應熊（搶過免死金牌）：父王，借嚟使嚇先！（撇）
吳三桂：喂喂喂！阿仔！嘩！（撇）
吳三桂（同吳應熊爭免死金牌）：畀我啦！你走得快，你走先啦！
吳應熊：唔系哩，你系平西王，佢唔敢斬你架！
吳三桂：唔系哩，你畀我先啦！
吳應熊：唔得呀！畀我吖！
吳三桂：喂喂喂！畀我吖！
多隆：唔好玩呀！你想我斬邊個呀？
吳應熊：畀我呀！
多隆（轉身，見到門口幾個人頭先都有份打自己）：哦，你哋冇金牌！正話打得好過癮哩！死呀！死呀！（幾個人過去爭搶免死金牌）
吳應熊：畀我！
吳三桂：畀我！
吳應熊：畀返我！畀返我！
吳應熊：喺度！喺度！（吳應熊搶過免死金牌，塞入自己件衫里面）
吳三桂：阿仔，畀返我！畀返我！喂喂喂！阿仔！喺邊度？
吳應熊：個金牌呢？個金牌呢？
韋小寶：喺里便！（手指吳應熊嘅下體）
（眾人齊齊攻擊吳應熊下體）
（建寧執起免死金牌）
建寧：喂！個金牌喺呢度呀！
眾手下：對唔住！對唔住！對唔住！
吳應熊（慘叫）：哎呀！
吳三桂：阿仔，你點呀？
建寧（畀返個金牌吳三桂，走去吳應熊身邊）：駙馬，你點呀？人嚟！
手下：有！
建寧：快啲扶駙馬休息！
手下：喳！
建寧（眼仔睩睩）：我去睇嚇駙馬點先。
（吳應熊間房）
建寧：呢度冇事嘞，返出去呀！
手下：喳！（走曬）
（吳應熊呻吟不止）
建寧：駙馬，你見點呀？
吳應熊：好痛呀！
建寧：好痛呀？噉點算呀？不如我幫你睇嚇。
吳應熊：唔系幾好嘅！
建寧：傻啦，我哋都就快系夫妻咯！嚟呀！我幫你睇嚇。（一只手揵開吳應熊嘅褲，另一只手揸住把刀仔。）
（另一邊廂）
吳三桂：你唔好亂嚟呀！嗱，我有免死金牌喺處架！啊！你唔好亂嚟呀！
*多隆：
韋小寶（充當架梁）：哎！哎！哎！多統領，人誰無過呢？唔打都打咗咯，不如就賠返多少湯藥費算數啦！
吳三桂：好！好！好！
*韋小寶：橫掂打得唔系好傷！就賠返五十萬兩哩？
多隆：唔傷？！
吳三桂：咩？咩？咩？咩話？
韋小寶：噉當我冇講過啦！繼續！
吳三桂：喂喂喂！畀！畀！畀！畀啰！畀啰！（屋外突有爆炸聲，幾個人走出去睇情況。）
韋小寶（揦起金刀）：金刀玉璽？！
吳三桂：唔系，唔系，我……我唔知架！
韋小寶（讀皇袍上面啲字）：吳公三桂天命所歸，反清奪位即日登基。金刀為記，玉璽為憑？！王爺，你？！
*吳三桂：唔關我事架，分明系有人嫁禍畀我架咋！我絕對冇謀反之意架！（傳出吳應熊嘅慘叫聲）對唔住呀！
（三日沖入吳應熊間房，見到吳應熊喺張床度揞住自己嘅私處，痛到反艇噉嘅樣，建寧就匿埋喺角落頭。）
建寧：我好驚呀！
吳三桂：阿仔！
韋小寶：公主！
吳三桂：阿仔，你見點呀？阿仔！阿仔，你見點呀？阿仔！
韋小寶（問建寧）：點解會噉架？
建寧：佢，佢想污辱我，我咪順手攞起把刀，割咗佢啰。我好驚呀！
韋小寶：世子你實在太唔識諗嘞！公主遲早都系你嘅人嚟啦！你何必急在一時呢？而家搞成噉你叫我點交代得架？
建寧：我好驚呀！
吳三桂：你哋！
韋小寶（耳語）：做得好！
建寧：跟你學嚇嘢啫。好驚呀！
吳三桂：人嚟！
手下：老爺！
吳三桂：公主受驚，送公主返棲鳳樓休息。
手下：喳！
建寧（抌咗把刀）：好驚呀！
吳三桂：韋大人，出咗啲噉嘅事，系三桂家門不幸。恕三桂招呼不周！
韋小寶：今日發生咗咁多唔應該發生嘅事。如果我系你，我都唔知點算好呀！公主，走！
建寧：好驚呀！好驚呀！我好驚呀！我好驚呀！
手下：老爺，少爺未醒。
吳三桂：召馮老師返嚟！
手下：系！
吳三桂：下令三軍戒備！
手下：喳！
馮錫范：參見王爺！
吳三桂：應熊點呀？
馮錫范：世子性命無礙，但系要害受創甚深。恐怕以后生兒育女都成問題。
*吳三桂：豈有此理！康熙呢個小子，居然派佢個妹同韋小寶嚟絕我吳家后代？！好！我要報仇！你即刻招集人馬，揮軍北上！
馮錫范：王爺息怒！我方糧草未齊，兵員未足！如果貿貿然出兵，恐怕勝算不高。最好暫時忍讓，半年之后……
吳三桂：我叫你出兵就出兵！而家你系王爺抑或我系王爺呀？
馮錫范：卑職不敢！
吳三桂：你帶齊人馬同我去圍攻棲鳳樓！將建寧呢個賤人同埋韋小寶碎尸萬段！
（棲鳳樓）
韋小寶（吟唱《帝女花》）：落花滿天蔽月光，借一杯附薦鳳臺上。
建寧：真系詩意嘞！
韋小寶（斟酒）：公主，請酒！
建寧：無事獻殷勤，非奸即盜，有咩事呀？
韋小寶：公主你實在疑心太大嘞！我只不過系想介紹位姊妹過你認識啫。龍兒！（龍兒行落樓梯）
建寧（以為佢系男人）：哎呀！（抌咗酒杯）乜你呢家嘢架？你以后唔好掂我！
韋小寶：你誤會咗嘞！佢系女人嚟架！嗱，你哋以后大家做埋姊妹，就開開心心啦！
建寧：你就想呀！想創你個心呀！佢咩新絲蘿卜皮呀？想同我爭老公，一人一半？好難呀！
韋小寶：當然唔可能一人一半啦，你只系占四分之一咋。雙兒！（雙兒行落樓梯）
建寧：哦，我都估到你哋有路架啦！
韋小寶：大丈夫三妻四妾系好平常嘅。而家我數埋得三妻一妾，經已極度冇面架嘞！
建寧：想爛你嘅肺呀！嗰兩只烏啄啄想同我平起平坐？！唔得！
韋小寶：絕對冇可能平起平坐吖！佢哋三個系妻就你系妾！佢哋坐時就你要企！我哋瞓時就你負責冚被！
建寧：被吖嗱！（舂咗韋小寶一槌）
韋小寶：講過唔好打面架嘞嘛。
建寧：面吖嗱！
龍兒：做妾侍喐手打老爺，太唔成體統嘞！大雙妹，小雙妹，你哋去教訓嚇佢！
建寧：咪住！你哋夠膽以下犯上？！（躽胸凸肚）好呀！打呀！呢個就系韋家嘅骨肉！打呀！夠膽就打我喇嘛！
（雙兒無從入手）
韋小寶：望咩啫？韋家骨肉梗系唔打得啦。唔好打佢個肚呀！舂佢心口好喇！
建寧：救命呀！救命呀！
多隆（攔住雙兒）：咩事呀公主？唔使驚！有我忠肝義膽嘅多隆喺度！
建寧：佢哋蝦我！
龍兒：多隆，我呢一掌叫神龍分尸掌，中咗就會四分五裂而死！你鐘意嘅就即管企喺度啦！我數三聲！
建寧：唔使理佢！（多隆運氣）
龍兒：一！
（多隆嚇到跳上二樓）
韋小寶：嘩！幾時變得咁好輕功架？
龍兒（問建寧）：噉你做唔做妾侍呀？
建寧：做妻得唔得呀？
龍兒：好！以后你就叫我做大家姐，佢哋系二家姐，三家姐。我同你起個名叫做帶子！希望你同相公生返個仔呀！
建寧：帶子咁肉酸！
韋小寶：鮑魚喇，啱唔啱呀？
建寧：鮑魚？都好啲！
陳近南（從天而降）：乜咁早食飯？
韋小寶：師父！
雙兒：叩見總舵主！
韋小寶（跪拜）：師父，你嚟咗呀？等我嚟介紹！呢個系神龍教嘅龍兒，而家棄暗投明跟咗我。大小雙兒你識架喇嚇。（建寧彈過嚟）呢只鮑魚！我哋坐低至講！嚟呀！
陳近南：我查到馮錫范已經采取行動，呢個人非常之狡猾。而且武功不在我之下，我怕你應付唔嚟！
韋小寶：邊個馮錫范？我連佢條毛都未見過！但我經照你吩咐，將吳三桂平西王府上下搞到雞犬不寧！相信佢好快脆忍唔住就會作反！
陳近南：的確好快，佢今晚就會嚟到棲鳳樓。而且話要將你生擒捉返去，剝皮處死！
韋小寶：哈！佢只不過系危言聳聽！弟子唔怕！多隆，同我準備一匹最快嘅馬，我有事走先。
陳近南：我睇佢哋即刻就會起兵作反。尤其是建寧公主，佢哋一定會捉你作為人質。
建寧：噉點呀？
陳近南：小寶，畀公主先撤退，離開昆明。
龍兒：總舵主，請你調配我哋吖。
（韋小寶送行）
建寧：小寶，你小心啲。你唔顧個大，都顧個細。
韋小寶：放心啦，大細都顧！你行先。（建寧入轎）
陳近南：小寶，你都系即刻同龍兒走先。呢度等我押后得嘞。
韋小寶：師父！
陳近南：小寶，你好聰明！喺而家呢個噉嘅亂世嘅時候，只要你唔貪圖榮華富貴，一定可以推翻滿清，恢復我哋大漢嘅江山！
韋小寶：系就至好啦。不過弟子有啲嘢硬系唔明。
陳近南：你講吖。
韋小寶：自從康熙登位之后，四海升平。尤其是鰲拜死咗之后，更加系國泰民安！人人食得好，著得好！點解系都要推翻佢呢？
陳近南：因為呢個系我畢生嘅志愿。
韋小寶：啊！系?。不過，為咗你畢生嘅志愿，就要打仗，要人民受苦，會唔會有啲……
陳近南（發嬲）：而家唔系爭論嘅時候！
馮錫范（大笑）：哈哈哈！陳近南！你食古不化，就連你徒弟都唔信你！
陳近南：馮錫范！退后！
（馮錫范六弟子從天而降）
陳近南：師兄，咁耐冇見！估唔到你做咗人哋嘅走狗！
馮錫范：做有錢人嘅狗，好過做挨餓嘅窮人。咁簡單，你都唔明？
龍兒：你無恥！
馮錫范：六合大法！
（龍兒敗陣）
馮錫范：你功力差咗咁多！龍兒，究竟畀咗邊個？
韋小寶：僆仔，你睇住我喺度都夠膽打佢？
韋小寶：唔系呀嘩？呼啦圈都諗住攞嚟殺人？
韋小寶：嘩！重有？！喂！好咯?！重嚟？哎！唔玩嘞！（將啲呼啦圈送返出去，馮錫范六弟子皆倒）
韋小寶（女人聲）：嘩！真系咁犀利？喂！喂！喂！噉嘅？
陳近南：你全身都系真氣，但系散亂不堪。你根本控制唔到。
馮錫范：原來佢啲功力畀咗你！
韋小寶：系呀，吹呀？
陳近南：小寶，龍兒受咗傷，你帶佢走先。
韋小寶：師父，你一個人掂唔掂呀？
陳近南：你都掂，我唔掂？
韋小寶：呀，噉呀系，走先！
陳近南：劍陣！
馮錫范：六合挪移大法！
（廝殺）
馮錫范：師弟，當年你喺師父面前講我壞話，等我被逐出師門。今日就系你嘅報應！
陳近南：當日師父叫我清理門戶，我后悔一念之仁冇一劍將你殺死。
馮錫范：系噉，只好怪你自己蠢啦。
（陳近南親自出馬）
（陳近南同馮錫范廝殺，不幸畀馮錫范劈咗只手臂落嚟。）
馮錫范：師弟，估唔到你今日敗喺我嘅手上！
陳近南：你要殺就殺，無謂多講。
馮錫范：我點舍得殺你呀？我嘅功名富貴，全部喺你身上！
（樹林）
韋小寶：小心呀！龍兒，你頂住呀！
（起沙）
龍兒：你點呀？
韋小寶：冇！（眼淚盈框）
龍兒：小寶，我只系受咗輕傷啫！你使乜咁傷心啫？！
韋小寶：系，感情豐富不留都系我嘅缺點嚟！
龍兒：傻啦，呢啲點會系缺點啫？！你重有好多長處架！
韋小寶：傻啦，我長處只得一度架咋！
（獨臂神尼捉住阿珂、吳應熊失驚無神噉出現）
韋小寶：唔該，下次出現可唔可以單聲先呀？
獨臂神尼：唔系弗咗一聲嘞咩？！你聽唔到呀？（見到龍兒）韋香主，佢……
韋小寶：龍兒而家系我內人。
獨臂神尼：你有本事連佢都收服埋？！
韋小寶：好難講架！好多嘢你哋師姑唔明架噃！
獨臂神尼：高人行事，高深莫測！
韋小寶：咦喂！你點會捉到佢兩個架？
獨臂神尼：吳三桂個老賊掛住調兵遣將，疏于防范。叛徒阿珂匿埋喺平西王府入便！所以我將佢哋捉返嚟！重有一本《四十二章經》。
韋小寶、龍兒：《四十二章經》？！
韋小寶：收埋先！（接過《四十二章經》）呢本經對我哋反清大業非常重要。多謝神尼！
獨臂神尼：韋香主，噉佢哋呢？點樣處置佢兩個呀？
韋小寶：呢對狗男女，人人得而誅之！（神尼正欲喐手）不過噉，如果佢肯帶罪立功嘅話，我就即管畀個機會你……（指住阿珂，吳應熊埋去企喺阿珂前便）
吳應熊：多謝韋大人！
韋小寶：……死先！（手指吳應熊）你呀！冧佢！
吳應熊：大人，饒命呀！（匿喺阿珂身后）
阿珂：我哋決定一齊死！
吳應熊：喂！你自己決定！我冇話系呀！韋大人，你放過我條狗命啦！我愿意為你做牛做馬！
阿珂：你使乜咁驚佢哋啫？！你話過同生共死永不分離架嘛！
吳應熊：喂！我講嚇架咋?。你唔系咁認真嚇嘩？！
阿珂（飽含淚珠）：你同我講啲噉嘅說話？
吳應熊：我而家已經系太監，你要我嚟做乜嘢啫！你唔好連累我添呀！
（阿珂哭泣）
韋小寶：咳呀！你喊乜鬼嘢啫？好心你啦！（搭住阿珂膊頭）
阿珂：躝開！狗賊！
韋小寶：嘩！你做人嘅嘢你噉樣講嘢？我做到噉樣你都唔咩我，佢噉樣樣，你反而咩佢？！喂！你系咪噉呀你呀？
龍兒：小寶呀，到底你講乜嘢呀？
韋小寶：冇嘢。一于跟我返去，日頭服侍夫人，夜晚服侍我！
獨臂神尼：好彩韋香主收容你咋！如果唔系，我就殺咗你清理門戶！重唔快啲多謝韋香主？！
吳應熊：系咯，重唔多謝韋香主？！多謝韋香主不殺之恩！多謝韋香主執埋我手尾！
阿珂（伸吳應熊一腳）：無恥！
韋小寶（扇吳應熊）：賤格！
吳應熊：打得好呀！
韋小寶：你都系！（不忍落手）打在你身，痛在我心！（走去龍兒嗰便）
（阿珂破涕為笑）
龍兒：又畀你呃咗個女仔嘞！
韋小寶：揾食啫。喂！畀嚇面啦！夫人大量，小人感激。
（御書房）
韋小寶：微臣韋小寶叩見皇上！
康熙：平身！小寶，你快啲過嚟！
韋小寶：謝皇上！（入御書房）
韋小寶：微臣好掛念皇上。皇上最近身子好嗎？！
康熙：好！有
