（警校考試）
周星星（做咗一陣手勢畀啲下屬睇，啲下屬拗曬頭）：understand?
周星星：你做咩呀？你哋喺依度做乜嘢呀？
下屬：唔知呀！
周星星：唔知？！我頭先講得好清楚架嘞。全部散開！散開吖！
（下屬四散）
（周星星巧計救下人質）
敵人（畀周星星踢出窗，差啲就跌落樓）：嘩！救命呀！救命呀！
（周星星行去解開人質）
人質（發曬姣噉款，拉拉扯扯）：你好叻呀，點解你咁好嘢嘅？
周星星（厭倦）：冇咁埋呀喂！
（人質發姣）
周星星：吆！（走去救敵人）
敵人：喂！喂！
周星星：死咗架啦嚇！
敵人：系啦，死咗喇，死咗喇！
（考官行入嚟）
人質：sir!
敵人：sir!
周星星（行禮）：報告，任務經已順利完成。
考官：周星星，你班手下呢？
（下屬一字排開）
考官（睇牌子）：all dead! 我哋要嘅系指揮官，系team work，唔系獨行獨斷，唔系rambo。
周星星：報告，人質已經順利獲救。
考官：拯救行動只系呢次考試嘅其中一個項目，最重要架系你部下嘅安全同埋你嘅領導能力，但系我一啲都睇唔到。
（sir戥印）
周星星（用手遮住紙）：哎！sir，畀次機會啦！
考官：你做咩呀？
（周星星用另外一只手遮住紙）
考官：你做咩呀？（戥印，著曬周星星塊面度）
周星星：唔好呀！sir，我請求你再考慮多陣，好嗎？
（電話響）
考官（扐起電話）：喂，邊位？系！yes, sir!（收線）老頂想見你。
周星星（行禮）：yes, sir!
（英國國旗喺風中飄揚）
周星星（行禮）：morning sir，周星星報到。
王晶：真系抵死，重咁青靚白凈呀，轉個圈畀阿sir睇嚇。唔使怕丑架，嚟吖！嚟吖！
（周星星轉圈，王晶吹口哨，周星星退避三舍）
王晶：情不自禁，真系唔好意思呀。想唔想扎呀？
周星星：我唔想做鴨，sir！
王晶：我問你想唔想扎呀？
周星星：我系唔會做鴨嘅，sir！
王晶：都九唔搭八，我問你想唔想升級呀？
周星星：想！但系我系唔會出賣自己嘅貞操架，sir！
王晶：邊個要你嘅貞操啫，我要你嘅青春嗱。
周星星：青春對于我嚟講同貞操一樣咁重要架，sir！
王晶：得啦！得啦！我知道啦！你聽我講埋先嗱。件事系噉嘅，前嗰排有班學生嚟警署參觀。參觀完之后，就發覺唔見咗支槍。
周星星：失槍嘅事件經常都有發生架，sir！
王晶：但系，嗰支系我嘅槍。
周星星：我真系戥你心碎。
王晶：你知又好啦，嗰支槍跟咗我三十幾年，一槍都未開過，只系有時攞嚟拗痕架啫。唉！講起上嚟都有啲痕。嚟，同我拗嚇佢。（擰轉身）
周星星：背脊嚇嘩？
王晶：系！佢系一支善良嘅槍。
周星星：槍都有善良？
王晶：我支槍本性系善良架嘛。最怕就系落喺啲壞學生嘅手上，嗰陣時就會濫殺無辜，涂炭生靈嘞。呣！
周星星：放心啦，sir！我實行抄起成間學校，直至幫你揾返支失槍為止。
王晶：唉！抄得起重使揾你咩？我就嚟退休架嘞嘛，而家至唔見咗支槍?，畀人知道呀，我重使見人嘅？唉！所以而家我想揾你呢，混入嗰間學校度。
周星星：sir，教書我冇乜信心。
王晶：冇人叫你扮教師，扮學生啫。
周切牽喊繆浚∥業蹦昃拖狄蛭鈐鞫潦樗韻燃尤刖蛹苷αｎ疫砜梢園繆劍ir，你噉做，就即系等于帶我上去一個充滿毒蛇猛獸嘅火山口上便，唔理我架哭叫，唔理我架哀號，狠狠地，毫無憐憫地，將我用腳一伸，伸落去火紅嘅巖漿里頭。你噉做又于心何忍呢？
王晶：噉咪好啰，等你活得豐富，死得精彩。你唔使講架喇，吟詩吟唔甩架喇。（扐出call機）嗱，呢度有個call機表，你帶住佢，見到666，即系我call你。
（周星星神情沮喪）
王晶：重有，講一次“good morning, sir!”畀我聽嚇。
周星星（把聲顫抖）：good morning, sir!
王晶：呣！噉就啱嘞。記住，唔好畀人知呀，唔系一鑊熟架。
（學校門口）
（周星星帶住介紹信好無奈噉走入學校）
（中史老師企喺門口，周星星將介紹信交畀佢，跟住佢入去）
（體育老師訓緊啲遲到嘅學生）
老師：睇嚇你哋重敢唔敢遲到？！
（王小龜抬起頭，畀老師撳返低）
老師：望咩呀？
（周星星心生恐懼）
（周星星無意間見到好長嘅校規，中史老師提醒周星星快啲行）
中史老師：唔使睇喇，遲啲就識得念架嘞。行呀！
（眾同學見到周星星依牙松杠）
同學甲：哎！呢個咪新嚟嗰個啰。
同學乙：又大只，正大嚿衰，邊班嚟架？
同學丙：會唔會我哋嗰班呀？
同學甲：唔會啩？
同學乙：我諗唔系喇。
（訓導主任林作棟出場，瞄一瞄介紹信）
林作棟：周星星，我系呢間學校嘅訓導主任，林作棟。
（嗡嗡聲）
周星星：有蚊！
林作棟：你系英倫中學轉過嚟架？嗰度專出垃圾，不知所謂！我唔理你屋企同校董會有咩關系。我哋愛丁堡系最好嘅學校，出最好嘅學生。我唔能夠容忍有害群之馬。你如果唔識諗，我就踢你出校，清楚未？
周星星（習慣性行禮）：yes, sir!
林作棟：好有趣咩？帶佢去班房。
中史老師：跟我返班房呀。
（周星星坐喺班房心猿意馬，無心聽課）
生物老師（上堂）：嗱，大約系1987年，有一項南極上空進行嘅觀察，就證實咗南極上空出現咗一個臭氧洞。強烈嘅紫外光對于生物系有害嘅。輕嘅呢，就會令到生物嘅遺傳基因發生咗突變。重則就會殺死被照射嘅細胞。指物亦都因此而枯萎。（聲音離周星星越嚟越遠）
（周星星發夢，夢見自己坐緊監）
周星星（唱獄歌）：我冇自由，失自由，傷心痛心眼淚流，你話行錯步，叉錯步，此餐心傷透。
（粉擦擊中周星星）
周星星（欲拔槍）：邊個襲警？
生物老師：咩呀？襲咩呀襲？你吖，攞返個粉擦出嚟。
某同學：噉都冇事，好嘢，好嘢！
（周星星走上臺）
生物老師：我話之你新嚟吖，上我堂縱橫四海吖嗱。（拍周星星頭殼，周星星回望生物老師）做咩？miss有自尊架嘛！上堂！好啦，我哋而家講到大氣層，大氣層系可以分為好多層。
（同臺黃小龜畀周星星睇紙仔，上便寫住：忍一時風平浪靜，退一步海闊天空。）
生物老師（繼續上堂）：最接近地面嗰層，我哋就稱佢為對流層。喺地面對上一萬五千至到五萬公尺高空，我哋又稱佢為停留層。
（課室內粉擦橫飛）
（中史堂）
中史老師：明代最講刑法，一律要嚴刑對待。尤其是欺君犯上，糾黨結社，潛偽窺私。
（黃小龜舉手）
中史老師：黃小龜！
黃小龜（起身）：鄭sir，到底乜嘢叫潛偽窺私呀？
中史老師（解釋）：潛偽即系而家架臥底，俗語所謂嘅二五仔。呢廷人，系要行宮刑嘅。
周星星：宮刑？！
中史老師（笑笑口）：切啫啫呀，小朋友！
周星星：切幾多呀？
中史老師：噉睇你有幾多啰。
（周星星用尺比劃）
（黃小龜用手剪尺，周星星嚇咗一跳）
周星星：哎吖！哎吖！
（化學堂）
（啲同學坐曬后便，得周星星一個坐喺前便）
化學老師：哎吖！又帶錯書添，真冇記性。（開咗石油氣又唔記得關）真冇記性！（聽到啲嘢）咩聲？
（周星星示意系石油氣冇關，化學老師即刻關咗石油氣）
（周星星諗住撇）
化學老師（手指周星星）：呢位同學，頭先好在得你咋，出嚟幫幫我手呀！嚟嚟嚟！快啲！快啲！
（眾人皆笑，黃小龜笑得最大聲）
黃小龜：哈哈哈！（指周星星）抵死呀！
（點知樂極生悲）
化學老師（手指黃小龜）：嗰位同學，笑得好開心，你出埋嚟呀。
（講臺上）
化學老師：你叫咩名呀？
周星星：周星星！
（轉身問黃小龜）
化學老師：你呢？
黃小龜：黃小龜！
（轉身問周星星）
化學老師：你叫咩名呀？
周星星：周星星！
化學老師：你呢？
黃小龜：黃小龜！
化學老師（又問周星星）：呢位同學，叫咩名呀？
周星星：周星星！
化學老師（同黃小龜講）：而家我哋開始啦，周星星同學。（周星星、黃小龜嚇咗一跳）而家我哋呢個實驗呢就比較復雜。我哋一定要記住每一個步驟。如果冇記性，就好危險架啦嚇。
周星星：sorry，你話呢個實驗最緊要系……
化學老師：記性！
周星星：如果冇就會……
化學老師：好危險呀！
（周星星畀炸到鬼五馬六，食波餅添。）
（周星星想爬出去）
中史老師（吹銀雞）：stop!
（達叔想拉周星星落嚟）
達叔：喂，落返嚟，落返嚟，落返嚟。你落返嚟先啦！
（周星星畀達叔拉落地）
（周星星踩住達叔個身）
達叔：唔該你落返去吖。
周星星：你做咩啫？你邊個啫？關你咩事啫？
達叔：唔該你借一借落返去啦。
周星星：你拉我落嚟做咩嘢啫？
達叔：你而家企喺我肚腩處。
（周星星轉身欲走）
達叔：喂，唔好走呀。自己人，有密碼架。
周星星：密碼？！
達叔（走埋一便）：雞、龜、骨、滾、羹。
周星星：又話密碼？！
達叔：雞、龜、骨、滾、羹。
周星星：咩嚟架？
達叔：密碼啰。
周星星：死嘞，死嘞，冇個正常嘅呢度，唔好阻住我呀。（擒鐵網）
達叔：唔好爬出去，你唔可以喺呢度爬出去架。你唔能夠喺呢度踩出去架嘛。
周星星：ok，ok，ok，我喺正門出去。
達叔：哦！正門都唔得，正門都唔得，……
中史老師（阻住周星星）：做咩呀？
達叔：冇，呢位同學突然間shot咗。
周星星：系啊，我shot咗，我想返屋企呀。（推開中史老師）
林作棟：做咩呀？
周星星：sorry, sir! （推開林作棟）
生物老師：哎！
周星星：冇阻住我，唔該！（推開生物老師）
（miss ho企喺面前）
周星星：借借，唔該！（推開miss ho，突然間又返轉頭）唔該借借，我想走！
miss ho（露出關心嘅表情）：你冇嘢吖嘛？
周星星：我好唔舒服呀，我想返屋企。唔該借開少少，畀條路行嚇，唔該！
miss ho：你唔舒服呀？
周星星：系！
miss ho：跟我嚟呀！
miss ho：睇嚇有冇發燒。（睇探熱針）你冇燒呀。
周星星：有呀。
miss ho：冇呀！嗱，你自己睇嚇。
周星星：支探熱針就冇，但系我有吖嘛。好凄涼我，真系。
miss ho：嗱，你畀我睇睇只眼嗱。向下望，向上呀！向左呀！喂，你眼珠唔識喐嘅。
周星星：發燒呀，喐唔到。
miss ho：你詐病呢。我系miss ho呀，我唔系教你個班架。但我負責你個班輔導工作。你而家返課室先嗱。有咩問題，隨時嚟揾我呀。乖喇。
（周星星返課室，黃小龜畀人掐緊）
小妖：系咪一個唔覺意丟咗你個筆盒，你就嬲先？
黃小龜：唔系吖！唔好呀，唔好呀。
小妖：我而家好驚呀。
黃小龜：噉今次要畀幾多錢呀？
小妖：我點知呀？睇嚇你識唔識做啰。
（黃小龜畀小妖300文）
黃小龜：得三百。
小妖：我唔驚嘞。
johnny（恐嚇黃小龜）：如果畀我知道你身度重有錢呢，我就唔丟你個筆盒，凈系丟你。
黃小龜：知嘞。
（周星星返番自己個位）
黃小龜：好啰，好啰，救星到啰。
周星星：你冇唔會，我唔系幫你，亦都唔會幫你。更加唔系你救星，千祈要搞清楚至好。
黃小龜：你得嘅，你咁樣衰，以后佢哋只系掛住掐你，唔會掐我，多謝曬吖！
（放學）
（一班女喺出便等候）
女：出嚟嘞！出嚟啰?。
番薯：乜你咁早嚟到呀？
（達叔將周星星拉入一二角）
達叔：周sir，周sir，我記得密碼啦，密碼系“東凍董東凍”，系咪？
周星星：真系。
達叔：系吖！
周星星：早講吖嘛。
達叔：頭先我唔記得密碼吖嘛。周sir，我系cid 5798，我系派嚟接應你嘅。
周星星：手震返屋企唞陣先啦。傻仔嚟。
達叔：唔系，唔系手震，系柏金森病，我扮嘅啫。噉樣唔使做咁多嘢吖嘛。周sir呀，上頭叫你去我屋企住住先?。
周星星（指達叔含住）：擔住碌杉咩意思呀？
達叔：戒煙。
（周星星見到miss ho男朋友嚟學校接miss ho）
達叔：喂，喂，miss ho呀，你諗你都唔好諗呀。佢男朋友系反黑組大幫嚟呀，知嗎？
周星星：講咩呀？
達叔：咩呀？
周星星：我系（目及）緊坐喺欄桿上便扯住口煙嗰條僆仔呀。
（鏡頭移去johnny仔嗰邊）
達叔：哦！johnny仔嚇嘩？
周星星：咩料？
達叔：畢架山四虎嘅老大，佢大佬好猛架，叫大飛。老頂失槍呢單嘢，佢嫌疑最大吖。
周星星：（目及）住！（目及）住呀！
達叔：哦！
（一條僆行入大飛間房）
僆（笑笑口）：大佬！
大飛（抌嘢）：你個冚家鏟，度埋曬啲屎橋。而家畀人追數呀，起釘呀。走粉咪走粉啰，搞乜鬼走軍火啫？
僆：噉你話架嘛，伊拉克打仗，軍火有得諗架嘛！
大飛：噉你勸我吖嘛。而家揸住啲ａｋ４７，都唔知做乜。手槍都話可以打劫啫。
僆：啊，jonny仔佢嚟咗呀。
大飛：唔早啲同我講？
僆：條友好竄啫。
大飛：竄？！有錢就竄嗱，你有錢都可以竄架。（行出間房）
大飛（同jonny）：哎，嚟咗呀，入嚟呀！（同玩緊金魚嘅小妖講）喂，風水嘢嚟架，冇搞！
小妖：哎吖！有怪莫怪！
（房內，jonny交條鎖匙畀大飛）
大飛：喂，而家好竄?。
johnny：放心啦，我爹哋去咗游埠，架車上到深圳嗱，佢都未返嚟啦。
大飛：睇嚇點。
johnny：系吖！順便找埋上次我大佬嗰兩部車條數畀我呀。
大飛：人哋過到數我先畀到你架嘛。唔系咁等錢使啫，嚇嘩？
小妖（打緊機）：咩唔等錢使呀？喺學校收埋收埋都唔夠我去兩晚卡拉屋企吖。
johnny：系吖，早兩日我執到件好嘢，你睇啱唔啱使？（喺個包度攞出一支槍）
小妖（埋嚟）：系吖，我哋好辛苦喺警署度攞出嚟架。
大飛（大驚失色）：警槍呀？
（達叔喺神主牌前面點香）
達叔：各位大佬呀，每人有三支，千祈唔好爭食呀。
（周星星埋嚟）
周星星：你老竇啲神位呀？
達叔：我就想呀，有咁多老竇我重使做咩？呢，呢啲冚棒冷我以前啲拍檔嚟架。
（周星星食面，達叔搶過去自己食）
達叔：啊，有面食，有面食。
周星星（搶返）：要食自己煮呀。
達叔：唔系嘩？食自己？
周星星：都重得。
達叔：食自己犯法架?。
周星星：你話有幾多個拍檔話？
達叔：九個！
周星星：有十個神主牌嘅？
達叔：噉梗系要預度一個半個噉，噉物梗系要預多一個半個，睇嚇邊個唔好彩黐埋我處啰?。噉呀，有用又好，冇用又好，以備不時之需啰。你唔介意吖嘛？
周星星：咩介意唔介意？你講咩呀？
達叔：唔明呀？唔明都好啲，唔明都好啲。唉，英年早逝真系似……（周星星起身）哎，嗱，你食面，我出街食飯。哎，記得做功課呀，聽朝重要返學架。
周星星：頂你個肺！
達叔：唔好頂！唔好頂！
（菜館）
二五仔：冇嘢啰，繼續講嘢啰。
達叔：你成世都咁污糟架。
二五仔：慣咗吖嘛。
達叔：冇，呢排喺間學校處做校工，本來好好做嘅，點知跟著個周sir鐘意自己食自己，好麻煩嘅，冇人性到死。喂，你又做緊啲咩料呀？
二五仔：唉，我就唔使計喇，你邊有你咁好景呀？跟緊大飛條線啰。
達叔：呣？
二五仔：軍火呀！
達叔：咁巧？！喂，我哋都系（目及）緊大飛?。不過，嚟揾支警槍啫。
二五仔：警槍？系咩？唔系?，佢哋嗰便系機關槍嚟架?。
達叔：香港地有咁猛架料？
二五仔：系呀！嚟咗架啦，光天化日呀！（咬耳仔）
達叔：厲害！厲害！喂，噉重唔拉佢哋返嚟？
二五仔：啲買家恐怖分子嚟架，上頭想一鑊熟就炒起曬佢哋。
達叔：咁心狠手辣。
二五仔：有乜差錯就死得人多架嘞。無謂打草驚蛇嘞嘛。
達叔：喂，噉嘞，搭單嚇，如果你知道支槍下落，知會聲我。
二五仔：哦！梗系啦嘛。出嚟行講義氣架。以前成班二五雞一齊出嚟，全部都釘曬嘞，死剩你同埋我啫，我唔關照你，你話關照邊個？啱唔啱呀？
達叔（慢慢行出菜館）：個個都死得，呢個千祈唔好死。（達叔同大飛擦身而過）
大飛：咁難聽架。
（二五仔身份暴露）
二五仔：飛哥！飛哥！唔使咁勞氣呀，有咩事同你擺平佢啰。
大飛：雞仔標記唔記得呀？十年前畀你拉嗰個呢。佢話問候你?，王sir！
（二五仔犧牲）
（周星星喺個包扐出書本）
周星星（讀書）：policeman! understand? yes! good! understand? fuck!
（周星星畀罰企走廊，身上掛一塊牌子，寫住：我無交功課，真抵死。畀miss ho見到。）
（落堂鐘聲響起，中史老師行出課室，周星星頭頂凳，每只手托住本書，身上掛一塊牌子）
中史老師：一只腳企，抬高啲。
同學（幸災樂禍）：有嘢睇?。真人表演?。
（小妖行去周星星面前）
周星星（警告）：睇好啦！
小妖：你講咩話？
周星星：我話你睇好啦！千祈唔好笑呀！啊！
小妖（揾手指厾周星星件衫）：哈！哈！
（周星星踢開小妖）
同學：冇嘢吖嘛？痛唔痛呀？
周星星：話你架嘞，唔聽我講。
（周星星畀人喺操場示眾，身上掛一塊牌子，寫住：每週一星）
同學（圍觀）：每周歌后有啫，每周一星都有？唔系嘩？抵佢死喇，啲噉嘅人。……
生物老師：呢個學生，冇腦架，冇用嘅。
化學老師：噉唔系成日都冇記性，真冇用。
（生物老師同化學老師行開）
同學（依牙松杠）：人已經夠衰啦，睇佢死人樣，好似生痄腮噉。呢次真系唔慌唔“星”嘞。我真系戥佢阿媽傷心呀。哼！真系抵佢死。……
（警署）
王晶：你兩個喺度做咩呀？叫你查失槍，你又查字典？
達叔：喂，阿頭呀，佢今日冇功課交，成日都返唔到入課室，碌杉噉喺操場罰企。
王晶：一定要入課室查嘅咩？唔入課室都可以查架之嘛。
周星星：如果我再冇功課交，學校門口都入唔到架。嗰陣真系查碌杉。呢條題你識唔識計呀？睇嚇。幫幫手。
王晶（抌書）：呢啲三角關系我唔識架。
周星星：嘩！阿頭，你初初叫我接呢單case嘅時候態度唔系噉架?。
達叔：唔系呀，佢不嬲都系噉。
王晶：我不嬲都系噉，你聽到佢講喇。當初好聲好氣，氹你入局架啫。
達叔：阿頭，阿頭，如果睇嚇出便啲師兄，邊個識做，入嚟幫幫手做好佢啦。
王晶：你都白癡架，噉咪即系揚曬出去。（厾周星星魂精）你吖，我話畀你呀，你快啲搞掂佢吖。如果唔系，我用鉸剪腳嚟夾爆你個頭。
周星星：咩，咩腳話？
王晶：凌空飛起嗰廷鉸剪腳，一夾就夾爆你個頭，鉸剪腳呀！驚未？
周星星：好驚呀。
（周星星同達叔行出嗰門房）
周星星：鉸剪腳?，你話笑死唔笑死呀？
達叔：唔系吖，佢以前真系好勁架。
周星星：以前咋嚇嘩？
達叔：一個打廿個。
周星星：打廿架飛機有佢份。
（兩個人扮嘢）
周星星：阿爸，你見點呀？阿爸！阿爸，你見點呀？阿爸！阿爸，你見點呀？阿爸！阿爸，你去死吖，阿爸！
達叔：乜你噉講呀？
（周星星瞓過櫳）
周星星：弊！遲到！
達叔：有冇搞錯呀？六點咋?。咁勤力，感染到我添，我都要讀嚇書嘞。（扐出一本penthouse）
（學校）
周星星：啊啊啊！番薯呀！番薯！
番薯：我唔系叫番薯噃。
周星星：但系你真系好似?。你擒日啲bio做好未呀？借嚟抄抄。
番薯：有都唔借你喇。shot架，你？
周星星（喺個袋度拿出五十文）：出五十文買你份bio。
番薯：我制！
周星星（打鑊番薯）：未交貨你就想攞錢，你？
（啲同學爭相賣功課畀周星星）
周星星：行開呀，逐個逐個嚟吖。多多都有呀。有冇呀？作文！……
（miss ho見到呢一個場面）
miss ho：喂，佢都幾受同學歡迎架?。
隔籬個女同學：系?。
（周星星返課室，黃小龜喺度猛咁抄）
周星星：家嚇先抄？噉冇用，冇前途。你睇，我做好曬。
黃小龜：巴閉喇，你。
周星星：失禮！我噉講唔系想潤你。我只系想話畀你聽呀，我由今日開始，唔會再畀任何人掟我粉擦。（黃小龜掩耳）我由今日開始，唔會再畀人罰出去走廊罰企，或者企喺操場示眾呀，重要攬住塊死人牌 畀人當馬騮睇，唔會。你慢慢抄呀。
（中史老師行入課室）
中史老師：突擊測驗，邊個唔合格罰企操場一個禮拜。
（周星星緊張到流曬汗）
（周星星打電話求救）
黃小龜（羨慕嘅眼神）：大哥大？！
周星星：吹呀？
（達叔嘅call機響）
達叔：有冇搞錯呀？
王晶（聽電話）：咩話？中史測驗？你同佢搞掂咪得啰。
達叔：唔系吖嘛？阿頭！中史我唔掂架?，屙屎我又叻。
王晶：你唔好收線嚇。（擺低電話）男人婆，同我叫曬啲膊頭有花嘅即刻上嚟。
（課室）
周星星：同我問佢，平定安史之亂，使唐室轉危為安嘅名將系：a，郭子儀，b，for boy呀清唔清楚呀？系李光弼，c，李克用。李克用呀，李克勤。
達叔（扐起電話）：喂，a就郭子儀，b就李光弼。
王晶：邊兩個平定安史之亂？你答！
甲：郭子儀同朱溫。
乙：唔系?，好似系李光弼同埋朱溫。
王晶：哎吖！究竟系邊個屙屎……，郭子儀定朱溫呀？答我呀！哎吖，你搞錯呀？查書？
丙：唔系吖，得架嘞……等多陣啦。
丁：喂喂，仔呀，系啰，朱溫呀，朱溫系邊個呀？
王晶（扐起電話）：答案系b吖，個答案系b吖，b吖！
周星星（見到窗外達叔拋起嘅香蕉）：蕉？！蕉for banana，b。（寫低b）你再同我問佢。
王晶：啊？哦！牛李黨爭系咩?！答我！答我呀！答我呀！又抄書呀？啊？牛李黨爭你哋都唔識？讀咩書架？喫屎呀！
（出便行過兩個警員）
警員甲：嘩！搞緊咩大case呀？
警員乙：唔知呀！
（課室）
周星星（見到蘋果）：apple，蘋果，apple for a，（偷笑）噉都得？下一題，你聽清楚。系……
王晶：答案d呀，d呀，d for dog。
達叔（拗頭）：d for，d for dog?。（扮狗吠）
（一個miss行埋嚟）
達叔（向上拋蕉）：
miss：達叔，你喺度做咩嘢呀？
達叔，冇，我喺處執垃圾之嘛。
miss：女廁塞咗呀，你跟我嚟去通通啦好嗎？
達叔：好呀，好呀。
miss：系呀，你跟我嚟呀。
（中史老師行出課室，見到達叔留喺地下啲嘢）
王晶：喂，咩呀？測完啰。
手足：阿sir，系咩案嗱？
王晶：三狼呀。
手足（疑惑）：系？！咪死咗架啰。
手足二：翻案嗱！
（周星星見到黃小龜將本中史書坐喺身下，效仿之）
周星星：點解我咁蠢，噉都諗唔到。（揾唔到答案）冇！
（爆煲）
中史老師：你兩個騎馬呀？
周星星：墮馬。
中史老師：噉你兩個即系出貓啦。
周星星：唔系兩個，系我一個出貓。你拉我！
中史老師：你跟我出嚟。
周星星：等等！（攞返件西裝）
（教師辦公室）
中史老師：幾離譜呀，中史測驗，攞本國文出嚟出貓。
生物老師：你都算失敗啦，你。
miss ho：噉佢都唔算出貓呀。
林作棟：我唔擔心佢嘅罪名，我只系作出適當嘅處分啫。你哋大家有咩意見嗱？
中史老師：扣操行三分例排架啦。（周星星有嘢講）咪嘈！
miss ho：唔好咁嚴啦，扣滿十二分就要趕出校架嘞。
林作棟：miss梁，你呢？
生物老師：劈死佢啰。
中史老師：你講乜嘢呀？
生物老師：你唔系想噉咩？出貓咋嘛，系人生必經嘅階段呀。試問邊一個人未出過貓至得架？最緊要呢，系識用腦，你連出貓都唔識用，你企好！你重喐？都唔識用腦呀，噉就抵罰啦。（喺周星星面上劃咗一條痕）計我話呢，最好呢重測。一次唔識，測夠兩次，兩次唔識，測夠三次，測到佢識為止。
中史老師：你而家罰佢定罰我呀？！我邊有咁多時間呀？
生物老師：去少啲馬場啦，你。
林作棟：系啰。
miss ho：我贊成，我提議見佢嘅家長，了解嚇佢屋企嘅情況。
林作棟：好，我而家決定周星星出貓，罰留堂一個禮拜，掃操場兩個禮拜，扣操行分五分，下個禮拜重測。重有呀，我要見你架家長。
周星星：家長？！我冇架?，我冇老竇，冇老母，冇兄弟姊妹，冇親戚，冇朋友。
miss ho：噉你嘅監護人呢？
周星星：監護人咪我啰。你要見見我得架嘞。
（中史老師遞上周星星嘅檔案）
中史老師：佢個快勞。
miss ho（湊近）：監護人填邊個呀？
林作棟（驚詫）：達叔？！
周星星（驚詫）：達叔？！
（班學生喺門口嘈嘈閉）
同學：冇嘈啦，死喇，大鑊嘞。
（達叔企喺周星星隔籬笑）
林作棟：達叔，周星星真系你個仔？
達叔（同周星星講）：你高級過我，你講嘞。
林作棟（手指周星星）：周星星，你講！
（周星星同達叔一齊大笑）
林作棟：你唔好笑呀，你哋講啦。
周星星（含糊其詞）：系吖！系吖！
達叔：系，系，失禮，失禮！
生物老師：我一早就估到啦，你睇佢哋吖，成個餅印噉樣呀。
周星星：唔系吖嘩？餅印？
同學（驚詫）：啊？佢老竇？唔系呀？
林作棟：喂喂喂，唔系?。嗱嗱，呢度呢。你又姓曹，佢又姓周，噉點解呀？
達叔：唔知呀？（問周星星）點解呀？
（周星星示意達叔講嘢，達叔搖頭）
周星星：this is an order!
達叔：出世嗰陣我改咗佢做曹星星嘅，后尾佢又唔知點解自己改做周星星，噉……噉答得唔得呀？
周星星：it's right.
達叔：哦！主任，冇乜嘢我哋返出去啦。
林作棟：哎！等等先，達叔，即系我哋請你返嚟呢就系想講畀你聽，你個仔出貓呀。
達叔：出貓？出貓唔啱嘅，出貓唔好呀嘛。出貓唔好，老師呵？出貓……，冇咩我哋返出去啰。
林作棟：喂喂喂，阿達叔，你明唔明啫？即系管教呢系學校同家長相輔相成架嘛。你話系咪呀？噉我哋可以管教到幾時至得架。（達叔打喊露）你個仔吖，返學唔夠三日咋就出貓喇。
周星星：求祈打兩嘢走啦。
林作棟：你要認真管教先啱架嘛。
周星星：系噉意啦。
達叔：系噉意啦嚇。得嘞，唔使講嘞，主任，我知點做呀。（猛打周星星）衰仔呀，你學人出貓，讀屎片呀？打死你！
miss ho：你唔好畀佢打。
達叔（攞只挨拼凳打落去）：打死你！死未？
周星星：死咗啦！
達叔：講大話！
周星星：真架。
達叔：打多你一嘢。
（周星星畀打到一身孱，行出教師辦公室）
（達叔走埋出嚟）
周星星：你個仆……
達叔：周sir，你都唔好咁冇陰功呀。要我出行力噉抦你，你知你自己幾咁硬正架啦。
周星星：噉物系。
達叔：我幾呀歲，骨頭又脆，抦完你之后周身骨痛，手指骨都爆埋。
周星星：系？噉唔好意思?。
達叔：唔緊要，鬼叫我撈呢行咩？
周星星：去睇嚇醫生呀，我請！
達叔：多謝！多謝！
（miss ho行出嚟）
miss ho：達叔！（安慰達叔）你唔好咁勞氣啦！（同周星星講）周星星同學，你知唔知你阿爸幾咁偉大？
達叔：唔緊要，唔緊要，為人父母嘅個個都系咁偉大架啦。
miss ho：佢噉樣唔得架。不如噉呀，我幫佢補習啦。
達叔：我屋企冇錢呀。
周星星（推開達叔）：啊！唔好意思呀，miss！
miss ho：達叔！
周星星：阿爸！
miss ho：我唔收佢錢架。
達叔：唔好，唔好。
miss ho：我負責幫你教返好佢啦。
達叔：唔好嘅。
周星星：唔系幾好嘅，噉呀。
miss ho：就噉啦，由聽日開始，你放心啦。
達叔：多謝！多謝！多謝！多謝啦！
（miss ho行返入教師辦公室）
達叔：重使乜口震嗱？得米吖你。
周星星：作死呀你，正話想倒我米呀，夠膽話唔好？喂，醒目啲呀，唔好穿煲呀。喂……
某同學：有人揾你呀！
周星星：邊個？
某同學：上去天棚你又知嘞。
周星星：好呀，嚟呀。
某同學：上！
（天棚聚集咗好多人）
johnny：陣間點都要畀啲顏色佢睇。
黃小龜（見到周星星）：啊！佢嚟嘞！
（）
johnny（擔住口煙仔）：邊個幫佢就企佢嗰邊嗱。
（班友冚棒冷走埋一便，黃小龜猶豫不決）
同學：坐呀。過嚟呀。
（周星星瞄咗小龜一眼）
黃小龜：呣！
黃小龜（同johnny講）：你要收保護費，我咪同佢畀埋啰。
johnny：你個烏龜仔梗系未死過定嘞。等我捉你過嚟，攞你個口嚟做煙灰缸。捉佢過嚟。
（周星星兩三下就收服咗johnny）
周星星：重有咩事冇呀？
johnny：冇，冇事。
周星星：你以后冇咩事就唔好叫我上嚟嘞嘛。
johnny：知嘞。
周星星：冇前途，真系。
黃小龜（擦鞋）：星哥，你重厲害過李小龍呀！星哥，使唔使擦鞋呀？星哥！
番薯：星哥，你真把炮，夠唔夠錢使呀？我有！
（miss ho辦公室）
miss ho：重有呀，件衫又唔揳好，今日我唔打你唔得架嘞。攞手出嚟！攞嚟呀！攞嚟！
周星星：我幾呀歲人重打手板？
miss ho：攞嚟吖！
周星星：唔好啦，唔使啦，miss！
miss ho：嗰只！
周星星：我畀度地方你打，你忍心打，你忍心出力打落嚟呀。
（達叔屋企，間屋亂七八糟）
周星星：垃圾崗一樣。你話陣間畀miss ho上到嚟見到幾失禮，你話！（摷到一樣嘢）喂，啲咩嚟？多士爐呀？抌咗嚿面包佢。你房里便啲咸書呀，全部……，我叫你執嘢你食嘢？扮嘢呀，嚟，扮嘢，（扮柏金森病）噉呀！
達叔：執嘢啰。
周星星：柏金森病吖嗱？柏金森你老竇！一日到黑扮住。唔好以為幾呀歲，我照噍，話你聽呀。
（達叔執房）
達叔：仔冇理由房大過老竇嘅。
（miss ho同周星星補習）
周星星：miss，呢度我唔系好明。
miss ho：呢度呀？in this section, we will be giving model letters with different kinds of social sitiuation follow by similar exercises.
（周星星同以前判若兩人，接粉擦嘅功夫日漸犀利）
（眾人拍掌）
黃小龜：好嘢！坐呀！星哥，頭發亂咗呀，星哥！（梳頭）
（體育館，每個人都好似好悶）
（野餐）
某女：嚟，幫手點著佢呀。都透唔著嘅。
（衰仔教唆番薯食煙）
衰仔：正呀。（番薯猛咳）
周星星：喂，學人食煙？幾時食得到大呀？抌咗佢。報警拉你班友吖嗱。有乜前途呀，你話？
（坐喺miss ho隔籬）
miss ho：乜你唔識煙嘅咩？
周星星：我唔食架，咁貴點買得起呀？你唔信嗱？聞嚇我個口，睇嚇有冇煙味吖嗱。
miss ho：你傻架咩？
周星星：嗱，你睇嚇，冇煙屎牙架。
miss ho（見到智慧牙）：咦，喂喂喂，點解你咁快有智慧牙嘅？你今年幾大呀？
周星星：我今年呢就……十八歲。
miss ho：十八？
周星星：就嚟十九。
miss ho：不過睇你個樣，好早熟?。
周星星：熟曬架嘞，食得添架啦。
miss ho：系嘞，成班同學都有女朋友仔架?，噉你嗰個呢？
周星星：哦！我冇架，因為我唔好贊成啲學生呢喺求學嘅時期談戀愛，我認為好嘥時間。
miss ho：蠱惑呀，你。
周星星：系吖！
miss ho：真系嘅？
周星星：系。我見過你男朋友嘞，成日喺門口等你嗰個吖嘛。
miss ho：你又知嗰個系我男朋友？
周星星：噉我睇得出嘅。我睇佢對你幾好嚇添?。
miss ho：多事喇，你。不過，我諗佢都唔系好啱我。
周星星：噉有時感情嘅嘢又真系唔可以勉強嘅。
miss ho：佢系警察嚟架。我越嚟越憎警察。
周星星：我同意，我不嬲對警察都冇乜好感。
（黃小龜同女朋友坐埋一嚿石）
黃小龜：
女朋友：咩呀？
黃小龜：anne呀，我有個請求呀。
女朋友：咩事啫？
黃小龜：畀個胸我睇嚇。
女朋友：咩話？！
黃小龜：一邊都夠架嘞，一邊喇。
女朋友：胸呀啦！
黃小龜：你又冇蝕底架，咪當詐唔知啰。
女朋友：你死細龜吖，正核突佬嚟架，講埋曬啲噉嘅嘢。
黃小龜：嗱，唔好再追過嚟呀。
女朋友：你冇走呀，你。
周星星：你睇嚇細龜佢真系，成只龜噉嚇。尤其是個頭，加個殼，fit曬。哈哈哈！
miss ho：不過，最近細龜嘅成績差咗，我諗都要同佢補習嚇。
周星星：但系你要同我補?，邊有時間嗱？
miss ho：你已經進步咗好多啦。
周星星：噉等我同佢補得嘞。我進步咗吖嘛，應該冇問題嘅。
miss ho：你得咩？
周星星：咪即系所以你要繼續同我補，噉我先至可以同佢補吖嘛。你明嗎？你明嘅。你明嘅。明啦嗎？
（周星星去黃小龜屋企同黃小龜補習）
黃小龜（擔住遮）：呢度系舍下嚟架，點呀？（入屋，收埋遮）阿嫲，斟茶！阿星哥，隨便坐！（接住周星星件衫）哎吖！阿星哥，鐘意玩咩游戲機呀？世嘉定pc呀，定系超級任天堂呀？
周星星：遲啲先。遲啲先。
黃小龜（鬧阿嫲）：乜你咁煩嘉，斟茶啦！
阿嫲：請飲茶！（擺低茶）
周星星：唔該！唔該！
阿嫲：你哋系同學呀？
周星星：系吖！系吖！
阿嫲：一齊讀書架？
周星星：系吖！系吖！
阿嫲：書友嚟呀？
周星星：系吖！系吖！
阿嫲：你哋系同學呀？
周星星：系吖！你點知架？哈哈哈！
黃小龜（鬧阿嫲）：你講咁多做乜啫？返入去啦！
阿嫲：隨便坐呀！
黃小龜：冇厘醒目。
周星星：你工人嚟呀？
黃小龜：系阿嫲。
周星星；阿嫲！老竇老母呢？
黃小龜：冇幾個喺度架。啊，星哥，有好嘢招呼你。（畀周星星一沓雜志）
周星星：嘩！嘩！嘩！嘩！個死仔咁多好嘢嚇。嘩！好似嚟同你補習架?。
黃小龜：唓！傻啦！（中咗周星星一鎚）
（黃小龜喺度抄嘢，個頭甫抬起就畀周星星打咗嚇）
周星星：嫲嫲，試嚇，唔好客氣呀！唔使錢，玩嚇啰，怕咩啫？（將餅干蓋交畀阿嫲）行啦！
（阿嫲用餅干蓋抨咗黃小龜個頭頂一下）
周星星：系，好唔好玩呀？你試嚇反手呀，好過癮嘅。反手車落去，九十度角車落去。等等，等等，等個頭起咗先嗱。預備，出擊！（黃小龜又中咗嚇）very good! 做得好！試嚇兩只手呀，好力啲架。（扌堅）佢頭頂，嗰度，冇錯。
（阿嫲猛咁(扌堅)黃小龜頭頂）
周星星：嘩！重狼過我呀，睇唔出，真系。
miss ho：噉open day呢？你哋負責游戲部分。噉玩游戲嘅主題系童話故事。就雪姑七友喇，你哋認為點？
同學（唱）：雪姑七友，七個小矮人，雪姑七友，七個同床瞓。七個人，有七碌……
miss ho：夠啦，夠啦，你哋似乎離譜啲?。
周星星：miss，其實呢，我哋而家鐘意嘅嘢未必系呢啲嚟架?。點解你唔問嚇大家呢？
同學：系吖！系吖！
周星星：問十一啦，十一，你平時鐘意玩咩多？
十一：打游戲機啰。
周星星：聽到嗎？我都鐘意架。
同學：系吖！系吖！
周星星：其實我哋今次系咪應該揾啲新鮮刺激啲嘅嘢嚟大家搞嚇噉呢？
某同學：啊！打氣槍呀。
同學：正呀！好呀！
某同學：打氣槍就太過暴力噉樣喇。
周星星：噉無可否認就系暴力咗啲，但系都好過暴露，嚇嘩？
（達叔屋企，晚飯時間）
達叔：唔該曬！
miss ho：食飯嘞。
周星星：唔該！
達叔（用筷子打周星星）：死仔，幫嚇手嘞嫲。
周星星：做咩呀，你？
達叔：你好啰?，你，你噉都重得嘅？
達叔：飲湯啦，miss！
miss ho：唔該！
達叔：食嚿排骨啦。
miss ho：唔該，達叔！
周星星：阿爸，你都飲！
達叔：唔緊要。
miss ho：你自己呢？
（miss ho畀周星星睇考卷）
miss ho：你今次嘅成績好好?。
周星星：都系多得miss你同我補習啫。
miss ho：不過細龜重高分過你?。
周星星：唔系吖嘩？！
miss ho：你睇嚇！
周星星：噉都系多得我同佢補習啫。呢排我日日督促住佢，你都知架。
miss ho：如果個個學生都好似你噉就好嘞呵？
周星星：乜說話，其實個個miss好似你噉咪重好？
miss ho：嚇！你又口花喇！（出包）
周星星：剪你！（出剪）
miss ho：我揼！
周星星：包住！噉都捉唔到佢嘅手，真系，真失敗！個衰仔去咗邊嗱？
黃小龜（打電話返屋企）：阿嫲，我唔返嚟食飯啦，系噉呀。（收線）大哥大，勁！
同學甲（交錢）：龜哥！龜哥！呢個月嘅。
黃小龜：今日月頭嘞咩？
同學乙：系吖，睇住我。
黃小龜：唔使多謝我，多謝星哥得嘞。
黃小龜（收保護費）：喂，醒少少呀，星哥唔鐘意啲冇厘醒目嘅人嗱。
同學丙：系吖！系吖！卅文！
黃小龜：嘥時間！
黃小龜（見到本好嘢）：嘩！嘩！嘩！呢本書星哥鐘意，當交埋下個月。嘩！嘩！嘩！
同學丁：龜哥，孝敬你架。
黃小龜：醒目！
周星星：喂，有啲好嘢畀你睇?！叫你呀，死仔。做乜鬼鬼鼠鼠？企喺度！（追）我夠識彈咯。（跌低）
黃小龜：唔關我事呀，星哥，系你自己戇居要彈咋。
周星星：冚家祥，跣我呀，你！走！
（黃小龜跣低）
周星星（捉住黃小龜）：擘大個口！
黃小龜：放咗我啦，星哥！
周星星：喝住你唔好走，你系要走嚇嘛？死鏟！
黃小龜：唔想架。
周星星：咩名？
黃小龜：黃小龜！
周星星：住喺邊？
黃小龜：九龍塘！
周星星：住曬呀？
黃小龜：理想酒店隔籬。
周星星：轉過嚟！
黃小龜（轉身）：雙手擺頭！
周星星：玩嘢啦，細佬！（抄到一部電話）
周星星：咩嚟架？
黃小龜：你嘅電話！
周星星：我夠知咯。
黃小龜：知你又問？
周星星：窒阿sir？（摑咗黃小龜一巴，抄到一沓港紙）
周星星：啲咩嚟架？
黃小龜：港幣！
周星星：我夠知咯。
黃小龜：知你又問？
周星星：噉我而家系咪問你唔起呀？嚇！系咪問你唔起呀？
黃小龜：問得起！問得起！問得起！
周星星：問得起啦嗎？即刻話我聽呢啲系乜嘢嚟嘅。
黃小龜：港幣！
周星星：我夠知咯。
黃小龜：知你又問？
周星星：仆街呀，即刻話我聽。如果唔系我凌空飛起一乸鉸剪腳，夾爆你個頭。
黃小龜：唔好夾呀，星哥，啲錢系你架。
周星星：關我咩事呀？
黃小龜：保護費嚟架。
周星星：咩保護費呀？
黃小龜：系我向啲同學收嘅，每人卅文，我哋而家有財有勢，系天下第一大幫派。
周星星：天下第一大幫派？！
黃小龜：系吖，星字派，或者星字頭都得。
眾同學（鞠躬）：大佬！
周星星：你班友聽住呀，我唔系你哋大佬，即刻攞返曬啲錢，全部走！
黃小龜：哎！大佬唔系叫你呀，叫我咋。叫阿公喇！（指周星星）
眾同學（鞠躬）：阿公！
黃小龜：幾聽話！
（校門口）
johnny：算啦，無謂搞到學校竄曬，盞我哋兩個麻煩。
大飛：你系我照架嘛，你喺學校畀人搞，唔畀面你即系唔畀面我，系咪，小妖？
小妖：系吖！
大飛：喺我環頭想開多瓣？話開就開，你估seven-eleven呀？！
johnny：佢傻庚庚，乜都唔識啫。
大飛：等我睇嚇佢有咩三頭六臂。
（校內）
達叔：周sir，大飛嚟咗！好似話專程嚟刮你?。你小心啲。
周星星：定啲嚟呀，應該冇乜事架。
眾同學：阿公，阿公，過嚟呢便啦。
番薯：阿公，死梗喇。
周星星：唔好再叫我阿公，你班友呀。
黃小龜：星哥，星哥，大飛嚟揾你呀。
周星星：邊個話揾我呀？
黃小龜：佢話有大揾大，咪即系揾你啰。
周星星：噉即系揾你啫。呢期你先系大佬吖嘛，呢期。（行出去）
番薯：噉點呀？
（）
大飛條僆：喂，僆仔，咪行住！
大飛：大佬呀！
周星星：你好嗎，哥哥？
大飛：你就系星字頭呀？你都好竄?。
周星星：你講咩呀？
大飛：喺我地頭行都唔知會我一聲，你老幾呀？
周星星：我排行第二嘅，對上重有個家姐。但系佢結咗婚好耐嘞?，而家重同我姐夫搞緊移民添。
大飛條僆：竄我大佬？！
大飛：哎！皇氣！
大飛（拍周星星膊頭）：僆仔，你行運啦。睇路呀，下次冇咁好運架嘞
（miss ho同男朋友一齊食飯）
miss ho：你做咩嘢呀？
miss ho男朋友：你而家重幫緊個周星星補習，嚇嘛？
miss ho：系吖，佢啲成績雖然唔系好好，但系已經比以前好好多架嘞。
miss ho男朋友：你知唔知你學校而家多咗個新黑社會幫會呀？
miss ho：又系黑社會，我講過啦，我唔會將學生嘅資料講畀你知嘅。
miss ho男朋友：冇人問你攞資料呀，我凈系想話畀你聽，你哋學校多咗個新幫會，叫星字頭。嗰個大佬就系你而家幫佢補習嗰個周星星呀。
miss ho：哼，荒謬，我警告你呀，佢系我學生，唔系咩黑社會大佬。
miss ho男朋友：但系佢系害群之馬。
miss ho：我已經講過好多次架啦，我學校冇害群之馬，啲學生唔好，我哋有責任教好佢嘅。
miss ho男朋友：好嘞，好嘞，算嘞，唔好嘈嘞。我費事為咗佢傷害我哋嘅感情呀，okay？你可唔可以唔同佢補習？我系你男朋友，我驚你蝕底畀佢。
miss ho：我叫學生要信任，信任身邊嘅人。但系你就教我唔好信我啲學生。
（miss ho走去周星星屋企幫周星星補習，miss ho撳鐘，周星星開門）
周星星：hi，不如我哋今晚入房補習呀，因為我阿爸喺出便打緊雀，噉物費事騷擾住佢吖嘛。
（miss ho口黑面黑）
周星星：冇咩事呀嘛？miss！
miss ho：入房溫習呀。
周星星：好呀。（miss ho行入房）
達叔（走埋周星星身邊）：喂，開房呀？
周星星：噓——！
達叔：噓咩呀？
周星星：出去行嚇！
達叔：去邊度行呀？
周星星：你鐘意行上廣州呀
達叔：哎！嗱，你一個，我一個。
周星星：你搞錯咗嘞。
達叔：冇搞錯，呢只系超薄架。
周星星：系咩？
達叔：系！
周星星：我絕對唔系你諗嗰類人，我亦都唔會用……
達叔：揸住呀，人哋好女仔嚟架。唔好害死人添呀，十五分鐘好啦。
周星星：你行就行啦，咁多嘢講。黐線！（抌咗安全套）
（出便）
達叔：搞錯呀？間屋系我?，竟然要我出街？
路人甲：請問你系咪周星星架老竇呀？
達叔：啊，系吖！系吖！
路人甲（同達叔身后嘅人講）：佢話系?。
（突然間喺達叔身后竄出一個人用袋笠住達叔個頭）
達叔：喂，喂，做咩呀？做咩呀？
（周星星喺度對住安全套進行緊激烈嘅思想斗爭）
（周星星卒之決定拿起安全套，啱撞到miss ho，安全套畀miss ho搶過去）
周星星：糖嚟架。（攞返安全套）吹波糖嚟架。（將安全套吞入口中）補習啦。
miss ho：你當我白癡呀，你令我好失望。（離開）
達叔：救命呀。救命呀。
miss ho：達叔？！發生咩事呀？
周星星：點呀？
miss ho：達叔！
周星星：行埋一便。
（搞掂曬啲僆）
僆：唔好打，唔好打，畀次機會我呀！
周星星：邊個叫你嚟？
僆：大飛呀，唔該你畀次機會我啦，畀次機會我呀。
周星星：畀次機會你乜至得架？
僆：我想走呀！
周星星：走去邊呀？
僆：唔知呀！
周星星：返屋企瞓覺呀，僆仔，你老母掛住你呀。
（達叔埋嚟）
達叔：周sir，真不愧為飛虎隊第一號殺手呀。
周星星：呢基本嘢嚟啫，身為皇家香港警察，唔通好似你噉呀？
達叔：噉物系。
（miss ho知道曬真相，周星星同達叔重扮嘢）
周星星：阿爸，你冇事吖嘛？
達叔：冇事，冇事，我返去捽捽跌打酒就……
周星星：噉我嚟捽，我嚟捽。
達叔：乖！
miss ho：你兩個唔使再扮嘢嘞，你唔系學生，你哋兩個根本唔系父子。
達叔：唔系，我哋真系兩父子嚟架。雖然我個樣后生過佢，但系佢真系我親生仔嚟架。
周星星：其實呢，呢啲嘢我唔可以講出嚟嘅。但系我唔想呃你。我系警察。
達叔：周sir，而家都米已成炊咯，講曬出嚟都啱嘅。
周星星：吆！
周星星（同miss ho講）：我系警察，今次我入嚟學校系為咗查單案。不過，其實我都系想幫班僆仔，我真系想幫佢哋。
miss ho：我唔理你咁多嘢，亦都唔想知。不過你以后冇玩我，周sir！
（周星星拉住miss ho）
miss ho：做咩啫，你？
周星星：冇話畀人聽，好嗎？唔好啦！
（miss ho離開）
達叔：周sir，佢會唔會爆出嚟架？
周星星：會架，你去殺佢滅口。
達叔：yes, sir!（面露兇光）
周星星（掹住達叔衣領）：我唔該你慳啲使啦，你把死臭口，系都殺你先啦，拍硬檔慳啲好嗎？
達叔：我好大使咩？
（警署）
王晶（拍臺）：信唔信我一嘢鐵砂掌打爆你個吖嗱？
周星星：信！
達叔：信，信，信，阿頭，正話嗰掌都好有型呀。
周星星：系吖！系吖！
王晶（拍臺）：入咗學校兩個月一啲頭緒都冇。話畀我知，你做過啲乜嘢嚟？
達叔：講呀！
周星星：我架做法呢，就系首先同啲學生同埋教師溝通咗先。
達叔：系吖！系吖！溝緊架嘞。溝緊。
王晶：話之你溝又好，通又好啦，總之一個月之內要交返支槍出嚟。如果唔系，兩個都要燉冬菇。
達叔：我無所謂呀，我天生賤格，不求上進。
王晶：我調你去守邊界吖。
達叔：好呀，好呀，多謝，多謝！
（王晶好沖動）
周星星：阿頭，你冇咁沖動嘞。你嘅鐵砂掌咁厲害我哋經已好驚架嘞，嚇嘩？
達叔：系吖！好驚！好驚！
周星星：請收返埋只鐵砂掌先嗱。我哋一定盡快幫你搞掂佢。
（學校）
miss ho：今次open day啲學生搞得好好呀。
另一位miss：系就好啰，上年都唔知搞得幾悶呀！行啦！
（周星星企喺走廊，達叔喺廁所出嚟）
達叔：冇嘢呀？
周星星：喂，借call機我。
達叔：做咩呀？
周星星：借我，嚟！
達叔：個call機系我……
周星星：攞嚟吖！
達叔（扐出call機）：呢個call機呢……
周星星：我知，我知，用完畀返你。唔該！
（miss ho臺面call機響，見到周星星畀佢嘅留言：如果唔系你，我geography唔會攞到八十幾，如果唔系你，班僆仔唔會對我死心塌地，你教我人生目標，應該為人，唔 系為錢，噉我就話畀你聽，我嘅目標就系你，對唔住，因為我以前呃過你，對唔住，因為我將會追瘦你，周星星！）
（miss ho出辦公室，周星星同達叔喺走廊等緊佢）
周星星：hi!
miss ho：無聊，個call機我沒收呀。（行開）
達叔：喂，個call機我架?。
周星星：你企喺度做咩呀？
達叔：架call機我架，嘛。
周星星：你講你企喺度做咩先？
達叔：嗰部call機我架?。
周星星：我同佢講嘢，你企喺度阻住我呀。
達叔：但嗰部call機系我……
周星星：你阻住我，你行開啲……
johnny：有人劈你呀，我大佬揾人劈你呀。走啦！
（大飛揾人嚟劈周星星）
周星星：細龜，你快走！
小妖（睇熱鬧）：咁多人打一個?。
（miss ho男朋友坐喺自己架車里面，諗住到時候沖出去拉人）
手足：喐手未呀？
miss ho男朋友：睇定先！
黃小龜：死啦！
學生甲：喂，星哥畀人劈呀。
番薯：幫手！
miss ho男朋友（通知啲手足）：喐手！
johnny：有差佬呀，走呀，有差佬呀！
某學生：星哥，星哥，你冇嘢吖嘛？
周星星：冇嘢，冇嘢！
（miss ho男朋友埋嚟）
周星星：阿sir，嗰邊斬到七彩。（miss ho男朋友拉周星星）做咩呀？
miss ho男朋友：有嘢返差館先講。
（差館）
miss ho：你點呀？冇事吖嘛？
番薯：我諗我冇事啩。
miss ho：返去唞嚇。
miss ho：你兩個冇事呀？
某同學：冇事！
miss ho：見唔見周星星呀？
某同學：唔見嗱，miss。
miss ho：唔見嗱，你哋返去唞嚇。
miss ho（問另外一個同學）：見唔見周星星呀？
另一同學：唔見呀，miss！
（黃小龜喺里便行出嚟）
黃小龜：有咩事同我律師講喇。
miss ho：細龜呀！
黃小龜：miss，好痛呀！
miss ho：見唔見周星星呀？
黃小龜：冇見過，唔知道佢哋拉咗去邊呀。
miss ho：阿雄呀，見唔見黃sir？
阿雄：黃sir呀，黃sir佢……，啊！喂！
（周星星畀吊起）
周星星：而家唔系事必要我講，但我所講嘅嘢將會成為呈堂證供，我有權打畀我律師，甚至乎有權飲杯奶茶添。但系你哋冇權吊高我。
（手足除開周星星對鞋）
手足：嘩！臭呀！
周星星：放手！喐我呀！想打我腳板，你當我新嚟架。好呀，嚟！要打打我頭，睇嚇我死定你死呀，嚟！
miss ho男朋友：啱呀！（放下周星星）睇嚇我而家重打唔打到你呀？
阿雄：何小姐，你唔可以入去架。
miss ho：喂！（扶起周星星）點呀？你冇事吖嘛？你哋做咩啫？自己人打自己人都有嘅。其實……
周星星：點解你會嚟呢度架？
miss ho：黐線架，自己人都打，佢……
周星星：我有啲緊要嘢同你講。
miss ho：你系都等我講埋先嗱。其實佢系……
（周星星嘴miss ho）
（miss ho男朋友猛打周星星，呢個時候王晶入嚟）
王晶：停手！
（miss ho男朋友打多嚇）
達叔：星呀，星呀，冇事吖嘛？
周星星：問嚇佢只手有冇事。
達叔：啊！快啲返去捽啲跌打酒啦，因住啲手骨爆添呀。
miss ho男朋友：你走唔走呀？
達叔：冇有識死，系又打，唔系又打。走嘞，走。
（王晶辦公室）
王晶：而家好啦，冇嘢嘞。扯喇。我叫你查失槍，你又搞到滿天神佛。（指達叔）你又成世都唔使升架啦。或者你跟埋佢成世都唔想升啦。扯喇，冇嘢喇，處之泰然，當一無所有。
達叔：畀次機會喇。
王晶：機會？咩機會都畀曬你啦。話我唔畀機會你？系咪唔畀機會你？
周星星：唔系我講架，阿sir。
王晶：死喇，你唔揾返支槍，我同你同歸于盡。
周星星：哎吖！真系鉸剪腳呀！
（達叔屋企）
達叔：喂，唔使咁唔開心?。
周星星：都唔知幾過癮。
達叔：喂，你幾時生日架？
周星星：十二月廿二。想開p呀？
達叔：唔系，喂，我就正月初四嘅。嗱，你記住呀，我全名叫曹達華。
周星星：擺酒呀？
達叔：唔系，呢鑊唔系你又梗系我架啦。梗系要留返個喺處寫神主牌至得架。
周星星：唔該講清楚啲好嗎？
達叔：軍火吖嘛。大飛批軍火，擺喺邊度我早就收到風嘞。
周星星：噉點解你唔早講？
達叔：驚吖嘛，大佬！
周星星：冇叫我大佬，叫我阿sir！attention!
達叔：yes, sir!
周星星：知情不報咩后果你知唔知？
達叔：yes, sir!
周星星：明知點解重要犯？
達叔：怕死呀，sir！
周星星：我都系。
達叔：嗱。
周星星：但系身為香港警察，死都要頂硬上。
達叔：sorry, sir!
周星星：你噉做系咪想成世做臥底？
達叔：系！
周星星：咩話？
達叔：冇，噉過癮嘞嘛，我而家咪擸埋支炮陪你去死啰。
周星星：立正望住我！嘴你！（嘴達叔）冚家鏟！
（停車場）
周星星：系呢個停車場啰。
達叔：系呢度喇。
周星星：邊架車？
達叔：我點知呀？
周星星：噉點呀？
達叔：咪逐架車揾啰。
周星星：揾你個頭。（警報聲）
達叔：喂，做咩？
更佬（聽到聲）：喂，出去睇嚇！出去。
甲：有冇嘢呀？
乙：架車冇嘢?。
甲：噉點解會有聲嘅？
乙：周圍睇嚇。
（周星星揾到裝軍火嗰架車）
達叔：嘩！勁嘢?！全部都系長槍嚟嘅？（揾到一支手槍）呢支短嘅。
周星星：系，系警槍嚟架，系呢支。（達叔攬住啲槍諗住走）你做咩呀？
達叔：擸曬佢返去呀嘛。
周星星：成車車走吖嘛，擺返低佢。（達叔擺低啲槍）
周星星（坐喺駕駛室）：搞掂未呀？
達叔：搞掂啦！（車開動，但系自己重未上車，死蠢嚟架）我未上車?。我未上車呀，喂，喂，喂，我未上車呀！
（大飛同班鬼佬現身）
鬼佬：what seems to be the problem?
翻譯：everything under control, don't worry, ok?
（公路上）
周星星：阿頭，夠鐘起身屙尿嘞。屙完涿尿有啲正嘢畀你睇。
（差館，周星星架車停低）
王晶：你晨早流流call醒我，冇話畀我聽系冇事嚇。
周星星：梗系好嘢啦。
王晶：好嘢？
周星星（將失槍交畀王晶）：袋返佢呀。
王晶：啊！哈哈哈！估唔到可以破鏡重圓嚇，醒目！
周星星：唔好喊住呀，陸續有嚟。
王晶：重有？
周星星：醒嚇啦，喂！
（拉開車門）
王晶：嘩！嘩！嘩！喺邊度揾返嚟架？嘩！臨退休整單噉嘅嘢畀我呀。郇啰！郇啰！唔退休呀，港督都有得做呀。
（大飛手提響）
翻譯：拍硬檔等多陣啦。
大飛：周星星你好嘢，起我批槍？想唔想聽你老竇把聲呀？
達叔：阿仔呀，我暫時未有事，但系呢……
大飛（攞返電話）：喂，聽住，如果你想見返你老竇架，半個鐘頭之內嚟學校后山揾我。記住，千祈冇玩嘢呀！
翻譯：喂，咁耐架，個鬼佬好唔耐煩呀。
僆：得喇，而家咪call緊佢啰，咁心急做咩啫？
大飛：叫個鬼佬咪咁多嘰咭，半個鐘頭之后一定有槍畀佢睇。
（差館）
王晶：你咁激動做咩啫？啲槍喺我度，有咩事呀畀飛虎隊嚟喇，飛虎隊會搞掂架嘞。
周星星：如果噉做達叔就更加危險。
王晶：喂，佢做差人架嘛，佢做臥底架嘛，預咗架啦，幾呀歲人嘞。喂，嗱，嗱，我知你做咩架，你又想逞英雄呀嘛？嗱，你唔好呀，與其畀人打死，我不如一槍打死你呀。（支槍 畀周星星奪走）喂，喂，大佬，呢只善良之槍嚟架。喂，唔好呀！佢卅幾年都未開過架。你唔好攞去呀。喂！你而家算點呀？你開車呀？你夠膽開車，夠膽開車畀我睇嚇。你試嚇夠膽冇返嚟！哈，而家啲后生仔真 系夠膽?。
（周星星單刀赴會）
（學校后山）
大飛：啲槍呢？
翻譯：weapon are there.
周星星（打開車門）：放我老竇呀。
大飛：帶個過去睇嚇。
翻譯：follow me! follow me!
達叔：喂，阿星呀，我無端端……
翻譯：go ahead!（鬼佬魚貫而入）
鬼佬：what smell? it's gasoline.
（周星星點著火機抌入車，架車爆炸）
達叔：燒銀紙呀，燒銀紙呀！（走去攞錢箱）
（大飛開槍）
周星星（用王晶嘅手槍還擊）：開唔到嘅？喂，唔系真系咁善良嚇嘩？走啦！
（周星星同達叔跑返學校）
達叔：返嚟學校做咩呀？咁多同學，想害死佢哋咩？
周星星：使你教咩？今日假期嚟架。
達叔：噉咪重慘，冇人幫手。
（啲學生喺學校搞緊活動）
生物老師：釘高啲，喂喂喂，玩乜嘢？企度！做咩呀？重玩氣槍添，唔使幫手呀？揸住，幫手呀！你都系吖，你都要幫手呀。快啲去做。
某同學：喂，個迷宮星哥設計架?。佢又話返嚟幫手，（睇表）而家咁晏嘞，重未見人嘅？
番薯：唔系嘞，我諗星哥九成畀差佬捉咗。
黃小龜：傻啦，點會呢？miss ho見過吖嘛。
某同學：真系架？
番薯：系咪真架？
黃小龜（問miss ho）：miss ho，miss ho，星哥冇事呀，呵？
miss ho：冇事！
黃小龜：系咪呀？做嘢啦，亂噉噏！
生物老師：喂，成嚿望夫石噉，冇咩事吖嘛？
miss ho：冇事呀！
（周星星同達叔沖入嚟）
達叔：咁多人嘅？
周星星：喂，放假你哋重返嚟做乜鬼呀？
達叔：快啲走呀，呢度好危險呀！
周星星：快啲走呀！
生物老師（驚詫）：嘩！乜達叔走得咁快架？
（迷宮）
周星星：跟住我喇！
達叔：等埋我呀！
johnny：大鑊！
大飛（問johnny）：見唔見周星星呀？
johnny：唔知呀！
小妖：喺入便嗱。
johnny：喂，阿大，揾佢咩事呀？
大飛：唔關你事！
僆：行開！
大飛：揾人（目及）住啲后生，馬騮，嚟！（走入迷宮）嗰便！
（迷宮出便）
生物老師：喂喂喂，你想點呀你？
僆：唔關你事，冇出聲！（撩miss ho）靚女，咩呀？驚呀？！（收埋槍）噉樣唔驚喇。
（同學兩三下收服咗個僆）
同學：搞掂！
miss ho：miss梁，你去報警先喇，快啲去啦。
黃小龜：我哋去救星哥！
miss ho：唔好呀，佢哋有槍架。
黃小龜（舉起氣槍）：我夠有槍咯。（沖入迷宮）
同學：我夠有咯。
miss ho：喂，唔好呀！
同學：喂，冇阻住！
（johnny擸起個僆身上嘅槍）
miss ho：喂，你做咩呀？
johnny：死過！（沖入迷宮）
周星星：跟喺我后便行！
達叔：喂，喂，喂，等埋我！
（大飛趕到，開槍）
大飛：存孝，上！
（周星星同達叔走入迷宮中心）
周星星：喂，嗰個入口嚟架，天才！
達叔：我點知啫？度度門都一樣。
周星星：所以你要跟住我呀嘛，死蠢！
（出口）
周星星：到嘞。即刻出去同阿頭聯絡。
達叔：噉你呢？
周星星：里便重有成班僆仔，我唔返去又點得呀？
達叔：但系呢槍唔開得架?。
周星星：我有辦法啦。
達叔：唔好嘞，我留喺處幫你啦。
周星星：出去拖馬啦，今年貴庚呀，幫我？（行返入迷宮）
達叔：喂，喂！
（大飛同班僆喺迷宮中心相遇）
大飛：點呀？見唔見？
僆：冇?。
大飛：阿堅，你哋過嗰便，其他跟我嚟！
（大飛喺度門上便劃咗兩道痕）
僆a：喂，扭咗轉左啦。
僆b：轉啦，你轉咗先啦！又左，轉左！
黃小龜（匿埋喺暗角，用氣槍指住僆b）：細佬，咪喐！叫咗你咪喐架啦。
（同學四竄）
同學：走呀，快啲呀！
（某同學中槍）
某同學：喂，阿寶中咗槍呀！快拉佢出去！
johnny：走呀，快啲走呀！（開槍）死呀！
黃小龜：走啦，重唔走，想死咩？
某同學：走啦，嗰邊，嗰邊呀！
大飛（突然間現身）：走呀，走呀，死靚仔！
johnny：嗰便呀，走啦！爽手啲啦！
大飛：一槍打死你吖嗱！
（迷宮中心）
（周星星聲東擊西）
周星星：走鬼吖！
（喺啲僆嘅手槍入便揾子彈，揾唔到）
周星星：又冇？死你都唔剩返粒畀我？啊！你咁絕你？嚇！
（黃小龜同johnny沖入嚟）
黃小龜：星哥！
johnny：星哥！
（迷宮出便）
大飛：周星星，你聽住！而家班靚仔喺我手上。我畀五分鐘時間你，如果你重唔出嚟，我就殺曬佢哋。
黃小龜：死嘞，星哥，佢哋真系會開槍架。
johnny（舉起手槍）：我出去同佢搏過！
周星星：做咩呀？冇嘈！冇嘈！冇出聲呀，冷靜啲，冷靜啲，聽唔聽到呀？聽唔聽到呀？你哋最叻系咩呀？
黃小龜：死嘞，死嘞，今次真系死嘞。
周星星：頂你個肺！你即刻收聲！聽我講，你哋最叻系咩呀？
johnny：溝女！
周星星：除咗溝女呢？
johnny：冇嘞。
周星星：系玩吖嘛？你溝女都系為咗玩啫？唔通諗住結婚咩？ok，我哋而
